दोलखा । दोलखाको बैतेश्वर गाउँपालिकाले आर्थिक दैनिकका दोलखा संवाददाता सुबास बस्नेतलाई सम्मान गरेको छ । गाउँपालिकाले सोमबार गाउँपालिकाको कार्यालयमा आयोजना गरेको निःशुल्क जग्गा दान गर्ने जग्गादाता सम्मान कार्यक्रमको अवसरमा बस्नेतलाई पनि सम्मान गरेको हो ।
पालिकाले सञ्चालन गरेका विकास निर्माणका कार्यक्रमको बारेमा विभिन्न स्थानीय तथा राष्ट्रिय सञ्चार माध्यमबाट सत्यतथ्य खबर सम्प्रेषण गरी आम नागरिकलाई जानकारी गराई सुसाशन र विकासको क्षेत्रमा महत्वपूर्ण योगदान पु-याएको भन्दै गाउँपालिकाले बस्नेतलाई सम्मानपत्रसहित सम्मान गरेको हो । विकास निर्माणका हिसाबले उदाहरणीय कार्यमा लम्किरहेको यस गाउँपालिकाको कार्यालय स्थापना गर्न गाउँपालिका वडा नम्बर ५ र वडा नम्बर ६ का ७५ जनाले जग्गादान गरेका थिए । पालिकाले जग्गादाता सबैलाई पालिकामा उपस्थित गराएर सम्मान गरेको छ । २०७४ सालमा भएको निर्वाचनपछि कार्यालयको केन्द्र राख्न दुई वडाका ७५ जना जग्गा दाताले निःशुल्क ५५ रोपनी व्यक्तिगत जग्गा गाउँपालिकालाई सामूहिक दान गरेका थिए ।
स्थानीय तहमध्ये सबैभन्दा बढी जग्गादान प्राप्त गर्न सफल गाउँपालिका बैतेश्वर भएकाले जग्गादातालाई सम्मान गरेको पालिका अध्यक्ष छवि लामाले बताए । अध्यक्ष लामाले ५५ जना जग्गादाता, ११ जना जग्गा व्यवस्थापन समितिका प्रतिनिधि र पत्रकार बस्नेतलाई सम्मान गरेका हुन् । कार्यक्रममा उनले जग्गादाताले आफूलाई विश्वास गरेर सबैभन्दा बढी जग्गा निःशुल्क दान गरेर बैतेश्वरको विकास निर्माणमा ठूलो योगदान पु¥याएको बताए । पालिकाले सुक्खा डाँडामा गाउँपालिकाको पहिलो गाउँसभा बैठक राखेर सोही ठाउँलाई स्थायी केन्द्र तोकेको थियो । अहिले गाउँपालिकाले २१ कोठाको पक्की भवनबाट सुविधा प्रदान गर्दै आएको छ । उक्त ठाउँमा सम्पूर्ण संरचना बनिसकेका छन् । यस्तै लामाले गाउँपालिकाको केन्द्रदेखि वडाका शतप्रतिशत भवन निर्माण गर्न सफल भएको बताए ।
कार्यक्रममा दुई रोपनी जग्गा दान गर्ने भिम बहादुर खत्रीले गाउँपालिकाले आफूले दान गरेको जग्गामा केन्द्र तोकेर महत्वपूर्ण विकास निर्माण गर्न सफल भएको भन्दै गाउँपालिका अध्यक्षलाई बधाई दिए । कार्यक्रम गाउँपालिकाका उपाध्यक्ष रबिचन्द्र आचार्य, गाउँपालिका प्रमुख प्रशासकीय अधिकृत गणेश पोख्रेल, गाउँपालिका प्रवक्ता शमशेर घिसिङलगायत जग्गा व्यवस्थापन समिति, जग्गादातालगायतको उपस्थिति थियो ।
क्याटेगोरी : बिबिध
ताजा अपडेट
- चीन भ्रमणमा ऋणसम्बन्धी सम्झौता नहुने: प्रधानमन्त्री
- टेक्ससको ड्यालसमा एक सय दश जनाद्वारा रक्तदान
- १५ दशमलव ८३ बिन्दुले उक्लियो शेयर बजार
- विमान चालकको समस्या छिट्टै समाधान हुन्छ: वायुसेवा निगम
- ‘स्मार्ट सिटी हुनका लागि हिंसारहित समाज हुनु अनिवार्य छ’
- आज साँझ ५ बजे मन्त्रिपरिषद् बैठक बस्ने
- काठमाडौँमा बुधबारदेखि जनसङ्ख्या र विकाससम्बन्धी छैटौँ अन्तर्राष्ट्रिय सम्मेलन
- छोराद्वारा बुबाको हत्या
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया