दुई करोड लगानीमा कालिजफार्म सञ्चालन
सुबास बस्नेत २०७९, वैशाख ११ १०:५७ 
दोलखा । जिल्लाको कालिञ्चोक गाउँपालिका–९ का सुदिप शिवाकोटी आफूलाई सफल व्यावसायिक कृषक बनाउन संघर्ष गरिरहेका छन् । शिवाकोटीले दुई करोड लगानी गरेर अहिले गाउँमै व्यावसायिक कालिज पालन गरेका छन् ।
वैदेशिक रोजगारीबाट फर्केर उनले कालिजपालन सुरु गरेका हुन् । विदेशमा हुँदा कमाएको रकममा केही ऋण गरेर सुरु गरेको उनको फार्ममा अहिले करिब दुई करोड लगानी पुगिसकेको छ । पालिकाको ९ नम्बर वडाको थुम्की नजिकै रहेको उनको फार्ममा अहिले एक हजार दुई सयवटा भाले तथा पोथी कालिज र चार सय चल्ला कालिज रहेको बताए । कोरोनाले गर्दा वैदेशिक यात्रा त्यागेर गाउँ फर्केका शिवाकोटीलाई गाउँको हावापानी र वातावरण देखेर कालिज पाल्ने सोच आएको बताउँछन् ।
उनी र उनका दाइ कृष्णप्रसाद शिवाकोटी मिलेर दुई वर्षदेखि कालिज पालन गर्दै आएका छन् । सुरुमा कालिजको खोर व्यवस्थापन गर्न असहज भए पनि अहिले सहज हुँदै गएको उनले सुनाए । गाउँको वडा र स्थानीय सरकार सामु कालिज पालनको योजना लिएर अनुदानको लागि पटक–पटक कार्यालय धाएका उनलाई गाउँपालिकाले वास्ता गरेन । स्थानीय सरकारले सहयोग नदिएपछि उनले दाजुको सहयोग लिएर व्यवसाय सुरु गरेको बताए । सुरुमा सात सय कालिजबाट व्यवसाय सुरु गरेका उनले अहिले फार्मबाटै कालिजको चल्ला समेत उत्पादन गर्न थालेका छन् । उनको फार्ममा भाले कालिज मात्र चार सय छन् । उनले उत्पादन गरेका कालिज प्रायः जति काठमाडौं र पोखराका विभिन्न रेस्टुरेन्टमा बिक्री हुनेगरेको छ । उनले गत सिजनमा काठमाडौं र पोखरामा मात्र दुई लाखको कालिज बिक्री गरेका थिए ।
उनका अनुसार एक सिजनमा दुईदेखि पाँच लाखसम्मको कालिज बिक्री हुने गरेको छ । त्यस्तै दुई सयका दरले चल्ला समेत बिक्री गर्नेगरेको उनले बताए । शिवाकोटी दाजुभाइले पछिल्लो समय राजधानीमा कालिजको माग बढेपछि काठमाडौंमा समेत फार्म सञ्चालन गरेका छन् । यता सुन्द्रावतीमा होमस्टे समेत सञ्चालन गरेका छन् । व्यावसायिक बन्न धेरै पटक–पटक स्थानीय सरकारको कार्यालय धाउँदा समेत कुनै सहयोग पाउन नसकेकोमा भने उनको चित्त दुखाइ छ । यो पटकको निर्वाचनमा मतदान गर्न जान समेत मन नभएको उनले बताए । कालिञ्चोक गाउँपालिकाले करोडौँ रुपैयाँ बजेट कृषिमा खर्च गरे पनि आफूजस्ता दर्जनौँ व्यवसायीलाई छुटाएर आफ्नै कार्यकर्तालाई मात्र पोस्ने र बाँढ्ने गरेको उनले बताए । गाउँपालिकामा पटक–पटक बिजुली व्यवस्थापनको लागि अनुरोध गर्दा समेत कुनै चासो नदिएको उनको गुनासो छ ।
क्याटेगोरी : बिबिध
ताजा अपडेट
- चीन भ्रमणमा ऋणसम्बन्धी सम्झौता नहुने: प्रधानमन्त्री
- टेक्ससको ड्यालसमा एक सय दश जनाद्वारा रक्तदान
- १५ दशमलव ८३ बिन्दुले उक्लियो शेयर बजार
- विमान चालकको समस्या छिट्टै समाधान हुन्छ: वायुसेवा निगम
- ‘स्मार्ट सिटी हुनका लागि हिंसारहित समाज हुनु अनिवार्य छ’
- आज साँझ ५ बजे मन्त्रिपरिषद् बैठक बस्ने
- काठमाडौँमा बुधबारदेखि जनसङ्ख्या र विकाससम्बन्धी छैटौँ अन्तर्राष्ट्रिय सम्मेलन
- छोराद्वारा बुबाको हत्या
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया