दोलखा । जिल्लाको बैतेश्वर गाउँपालिकाभित्रका स्थानीय बजारहरूमा सोलारबत्ती जडान गरिएको छ । गाउँपालिकाको आर्थिक सहयोगमा मैनापोखरी, नाम्दु, लहरेमाने, बुद्ध चोक, पुतलीकाठलगायतका ग्रामीण बजारमा २४सै घण्टा बाल्न सकिने सोलारबत्ती जडान गरिएको हो ।
गाउँपालिकाले पहिलो चरणमा भिडभाड र किनबेच बढी हुने स्थानीय बजार र गाउँपालिकाको मुख्य कार्यालयमा सोलार लाइट जडान गरेको बैतेश्वर गाउँपालिका अध्यक्ष छबि लामाले बताए । पछिल्लो समय मौसम खराबीले विद्युत् धेरै अवरोध हुने गरेकोले रातको समय किनमेल गर्न सहज बनाउन र बजारमा हुने नकारात्मक गतिविधि रोक्न सोलारबत्ती राखिएको अध्यक्ष लामाको भनाइ छ । यसरी पालिकाभित्रका ग्रामीण साना बजारमा सोलारबत्ती राख्ने बैतेश्वर गाउँपालिका जिल्लाको पहिलो स्थानीय तह समेत हो ।
गाउँपालिकाले आगामी वर्षहरूमा मुख्य–मुख्य बजारमा सीसीक्यामेरा जडान गर्ने समेत योजना बनाएको छ । ग्रामीण सहर बजारमा पहिलो पटक सोलारबत्ती राखिएपछि बैतेश्वरका स्थानीय व्यापारीमा खुसियाली छाएको स्थानीय व्यवसायी किरण तामाङले बताए । गाउँपालिकाले आगामी वर्षहरूमा पनि केही दातृ निकायसँग सहकार्य गरेर बाँकी रहेका अन्य स–साना बजार चोकमा पनि सोलारबत्ती जडान गर्ने योजना बनाएको छ ।
बैतेश्वर गाउँपालिकाले स्थानीय बजारलाई थप व्यवस्थित र मर्यादित बनाउन चालू वर्षमा बजेट नै विनियोजन गरेको छ । गाउँपालिकाले पालिकाकै दोस्रो ठूलो स्थानीय बजार लहरेमाने चोकलाई थप व्यवस्थित गर्ने १५ लाख बजेट विनियोजन गरेको जनाएको छ । लहरेमाने बजारको चोक ढलान गर्न पालिकाले उक्त रकम विनियोजन गरेको गाउँपालिका योजना अधिकृत रविन्द्र चौलागाईंले जानकारी दिए ।
क्याटेगोरी : बिबिध
ताजा अपडेट
- ‘सहकारी ठगी प्रकरणका दोषीलाई कारबाही गर्न सहयोग गरौँ’
- प्रत्यक्ष निर्वाचित राष्ट्रपति र समानुपातिक निर्वाचन प्रणाली चाहिन्छः अध्यक्ष दाहाल
- अरनिको राजमार्ग विस्तार : जग्गा अधिग्रहण र सम्पदा व्यवस्थापनमा समस्या
- घटस्थापना अगाडि सडक मर्मत गरिसक्न निर्देशन
- मेची भन्सारबाट दुई अर्ब ४२ करोड राजस्व सङ्कलन
- वीरगञ्ज भन्सारले उठायो दुई महिनामा साढे २५ अर्ब राजस्व
- एमसिसी प्रसारण लाइन निर्माणः मुआब्जा वितरण प्रक्रिया सुरु
- तल्लो सेती जलविद्युत् आयोजनाः इआइए उपर प्राप्त सुझाव विभाग र एडिबीमा बुझाइयो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया