जनकपुर । जनकपुरधामको वडा नं. ८ स्थित करिब १० कठ्ठा जग्गा भू–माफियाले आफ्नो नाममा दर्ता गर्न लागिपरेको रहस्य खुलेको छ । भित्रभित्रै नामसारीको प्रक्रियामा रहेको सो जग्गाको कागजात नापी कार्यालय धनुषामा पुगेपछि शंका उत्पन्न भएको हो ।
कार्यालयले गत साउन ४ गते दुईवटा सम्बन्धित कार्यालयलाई सो जग्गाको स्पष्ट विवरण बुझाउन पत्र समेत काटेको छ । नापीले मालपोत कार्यालय धनुषा र वडा कार्यालय जनकपुरधाम–८ लाई पत्र काटेको देखिन्छ । नापीले मालपोतलाई काटेको पत्रमा जनकपुरधाम वडा नं. ८ मा अवस्थित कित्ता नं. २७४ को ३ कठ्ठा १९ धुर र कित्ता नं. २७५ को ६ कठ्ठा २ धुर जग्गाको सक्कल टिप्पणी निर्णयको सक्कल फाइल, कित्ताको श्रेस्ता उतार समेत मगाएको छ । साथै वडा नंं. ८ को वडा कार्यालयलाई काटेको पत्रमा सो कित्ताको जग्गाहरूमा हाल कसले भोगचलन गरिरहेको छ स्पष्ट हुनेगरी सरजमिन फिल्ड मुचुल्कासहितको सिफारिस पठाउन भनिएको छ । यस विषयमा नापीसँग सम्पूर्ण विवरण माग्दा नापी स्रोतले तत्काल धेरै खुलाउन चाहेनन् ।
त्यसैगरी जग्गा नामसारीको विषयमा मालपोत कार्यालय धनुषामा सम्पर्क गर्दा कार्यालय प्रमुख नभएको खण्डमा निमित प्रमुख बनेका सरोज सिंहले जग्गासम्बन्धी विवरण दिनबाट इन्कार गरेका छन् । एक स्रोतका अनुसार यस जग्गाको सम्बन्ध दोहोरो नागरिकताको आरोपमा पुर्पक्षका लागि जेल चलान भएका आनन्द मिश्र (आनन्द मोहन शरण) सँग समेत हुनसक्ने बताइएको छ । मिश्रले सो जग्गा हतार–हतार नामसारी गर्न चाहेकै बेला उनी जेल चलान हुने अवस्था आएको र नापीलाई शंका भएपछि पत्र काटेको हुनसक्ने स्रोतको भनाइ छ ।
नापीका कर्मचारीले कार्यालयप्रमख नरहेको भन्दै जग्गासम्बन्धी सम्पूर्ण जानकारी दिन आनाकानी गरेका छन् । पत्रका विषयमा वडा नं. ८ का वडा अध्यक्ष दिनेश सिंहले आफूहरूलाई पत्र प्राप्त भएको र जग्गामा गुठीसहित केही व्यक्तिहरू समेतले आ–आफ्नै दाबी गरिरहेको बताए । नाम खुलाउन नचाहे पनि सिंहले एक जना पत्रकारसहित दुई÷तीन जना व्यक्तिले सो जग्गामा दाबी गरिरहेको बताउँदै आफूहरू सबै कुरा बुझेर मात्र भन्न सकिने उनले बताए ।
क्याटेगोरी : बिबिध
ताजा अपडेट
- हुथी विद्रोहीले गरे अमेरिकी युद्धपोतमा आक्रमण
- ट्रम्प प्रशासनले रोक्न नसक्ने आणविक विस्तार योजना
- फोहोर मैलाको समस्या र व्यवस्थापन
- ऊर्जामैत्री भवन निर्माणमा नीतिगत प्रस्थान
- बाकु सम्मेलनमा असम्बन्धितहरूको लर्को
- ‘सेवाग्राहीको भिड हुने कार्यालयहरूमा कर्मचारी अभाव हुन दिइँदैन’
- पाँच दिने भक्तपुर महोत्सव हुने
- १६ लाख किशोरीलाई पाठेघरको क्यान्सरविरुद्धको खोप नि:शुल्क
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया