गौरीशंकर गाउँपालिकाको भोर्लेमा छुट्टै सेवाकेन्द्र स्थापना
सुबास बस्नेत २०७९, भदौ १० ११:१३ 
दोलखा । भौगोलिक हिसाबले ठूलो र विकट मानिने जिल्लाको गौरीशंकर गाउँपालिकाले स्थानीय जनता तथा उपभोक्ताको सेवा सहजताको लागि वडा नम्बर– ७ भोर्लेमा छुट्टै सेवाकेन्द्र स्थापना गरेको छ ।
सातामा दुई दिन खुल्ने उक्त सेवा केन्द्रमा पालिकाले दिने सबै सेवा उपलब्ध गराइने गाउँपालिकाले जनाएको छ । पालिकाको स्थायी केन्द्रबाट हुने सम्पूर्ण सेवा दिन थालेपछि पछिल्ला दिनहरूमा सेवाकेन्द्रमा सेवाग्राही वृद्धि भएको गौरीशंकर गाउँपालिका उपाध्यक्ष श्यामसुन्दर तामाङले जानकारी दिए । आइतबार र सोमबार खुल्ने सेवा केन्द्रमा १५ देखी २५ जना सेवाग्राही सेवा लिन आउने गरेका छन् । यस गाउँपालिका साविकका सातवटा गाविसहरू जुगु, झ्याँकु, सुरी, चंखु, मार्वु, खारे र गौरीशंकर मिलेर बनेको छ । भौगोलिक असहजताका कारण यस पालिकाभित्रका एउटा वडाबाट अर्को वडामा जान समेत घण्टौँ लाग्ने गर्छ । हाल पालिकाको स्थायी केन्द्र भएको ठाउँमा दुईवटा वडाबाहेक अन्य सबै वडालाई अपायक पर्ने भएकोले वडा नम्बर–५ भोर्लेमा सोवा केन्द्र स्थापना गरी सञ्चालनमा ल्याइएको उपाध्यक्ष तामाङले जानकारी दिए । गत साउनदेखि सेवाकेन्द्र सञ्चालनमा ल्याइएको उनले बताए ।
सेवाकेन्द्रमा पछिल्ला दिनमा सिफारिस लिने, व्यक्तिगत समस्या टिपाउने, योजना सम्झौता गर्ने, कृषि सेवा, पशुसेवा माग गर्ने सेवाग्राही वृद्धि भएका छन् । पालिकाको उक्त सेवा केन्द्रमा खानेपानीको माग गर्दै निवेदन दिन आएका गौरीशंकर गाउँपालिका वडा नम्बर–७ का टाँसिमान शेर्पा भन्छन्, ‘यसअघि एउटा निवेदन दिन घण्टौँ हिँडेर गाउँपालिका कार्यालय धाउनुपर्ने बाध्यता थियो, अहिले भोर्लेमा सेवा केन्द्र राखेपछि सामान्यदेखि महत्वपूर्ण सेवा लिन धेरै सहज भएको छ ।’ जलविद्युत् उत्पादनको हिसाबले निकै राम्रो सम्भावना बोकेको पालिकामा हिउँद–बर्खा सुचारु हुने राम्रो सडक निर्माण हुन सकेको छैन । यस गाउँपालिका सुन्दर प्राकृतिक सम्पदाले धनी मानिन्छ । यसपालिका छिमेकी देश चीनको सिमाना रहेको छ ।
क्याटेगोरी : बिबिध
ताजा अपडेट
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया