काठमाडौं । बाँकेको राप्ती सोनारी ८ बालापुरमा सिँचाइका लागि डिप ट्युबेलको निर्माण गरिएको छ । समृद्ध तराई मधेस सिँचाइ विशेष कार्यक्रमअन्तर्गत डिप ट्युबेलको निर्माण गरिएको हो ।
एक करोड लागतमा निर्माण सम्पन्न भएको सिँचाइ आयोजनाले बालापुर गाउँका एक सय ५० बढी किसानको झण्डै ९० बिघा जमिनमा सिँचाइ सुविधा पुग्ने बताइएको छ । आकासे पानीको भरमा सिँचाइ गर्न बाध्य बालापुरका किसानहरूलाई डिप ट्युबेल सिँचाइ आयोजनाले निकै राहात भएको स्थानीय हिम लाल डाँगीले बताए । उनले मुश्किलले एक बाली मात्रै खेती हुने सो स्थानमा अब सहजै तीन बालीसम्म खेती गर्न सकिने भन्दै खुसी व्यक्त गरे । निर्माणसम्पन्न उक्त डिप ट्युबेलको शनिबार युवा तथा खेलकुद मन्त्री महेश्वर गहतराजले एक कार्यक्रमका बीच उद्घाटन गरेका छन् । कार्यक्रममा मन्त्री गहतराजले राप्तिसोनारीलाई कृषी र पर्यटन क्षेत्रका रूपमा विकास गर्दै लगिने बताए । सिँचाइ सुविधापछि बालापुर क्षेत्रलाई अर्गानिक तरकारी उत्पादन केन्द्रका रूपमा समेत विकास गर्ने लक्ष्य राखिएको उनको भनाइ छ ।
बाँके राष्ट्रिय निकुञ्जको बफर जोनभित्र पर्ने सो क्षेत्रमा वन्यजन्तुबाट हुनसक्ने जोखिमबाट सचेत हुनुपर्ने उल्लेख गर्दै उनले सो क्षेत्रमा उत्पादित अर्गानिक कृषिउपज कोहलपुर र नेपालगञ्जको तारे होटलमा बिक्री गर्न सकिने बताए । जनप्रतिनिधिहरूले विकासका ढोका खोलिदिने काम गर्नुपर्ने बताउँदै उनले विकासलाई स्थानीय जनताले सदुपयोग गर्न सक्नुपर्नेमा समेत जोड दिए । बालापुर क्षेत्रमा डिप ट्युबेल, विद्यालय भवन, तटबन्धलगायतका संरचना निर्माणका लागि पहल गरेका उनले राप्तीसोनारी ८ नम्बर वडालाई समेट्ने गरी ११ किलोमिटर लामो रिङरोड निर्माणका लागि समेत पहल भइरहेको जानकारी दिए । बाँके निर्वाचन क्षेत्र नं. १ बाट प्रतिनिधिसभामा प्रतिनिधित्व गर्दै आएका मन्त्री गहतराजले जनताको विकासको चाहनालाई पूरा गर्न अहोरात्र खटिरहने प्रतिबद्धता समेत जनाए ।
क्याटेगोरी : बिबिध
ताजा अपडेट
- मोटरसाइकल दुर्घटनामा एकको मृत्यु
- यस्तो छ आजका लागि विदेशी मुद्राको विनिमय दर
- एमाले इलामको अध्यक्षमा बराल निर्वाचित
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया