‘अफ सिजन’मा पनि पर्यटक प्रवेशशुल्कबाट ३२ लाख राजस्व संकलन
एलिना गुरुङ २०७९, भदौ १७ ११:३८ 
सोलुखुम्बु । सोलुखुम्बुको सगरमाथा राष्ट्रिय निकुञ्ज नाम्चेले ‘अफ सिजन’मा पनि पर्यटक प्रवेशशुल्कबाट ३२ लाखभन्दा बढी राजस्व संकलन गरेको छ । ‘अफ सिजन’मा सगरमाथा क्षेत्र भ्रमण गर्ने पर्यटकहरूबाट निकुञ्जले ३२ लाख ७० हजार एक सय रूपैयाँ राजस्व संकलन गरेको हो ।
गत असारदेखि हालसम्म एक हजार दुई सय ९९ विदेशी र एक सय ७६ नेपाली पर्यटकबाट सो राजस्व संकलन भएको निकुञ्जका सूचना अधिकारी विष्णु रोकायले बताए । असारमा आठ सय ५७ विदेशी र १८ नेपाली, साउनमा तीन सय २३ विदेशी र ६२ नेपाली, भदौको हालसम्म ५७ विदेशी र १८ जना नेपालीले सगरमाथा क्षेत्रको भ्रमण गरेको निकुञ्जको तथ्यांक छ । ‘अफ सिजन’ मा भ्रमण गर्न आउने विदेशी पर्यटकहरूमा भारत, यूके, स्पेन, चीनलगायतका बढी छन् । निकुञ्जले सार्क मुलुकका पर्यटकलाई प्रतिव्यक्ति एक हजार पाँच सय रूपैयाँ, अन्य मुलुककालाई तीन हजार रूपैयाँ र नेपालीलाई एक सय रूपैयाँ शुल्क लिनेगरेको छ । मनसुन सिजनमा पर्यटक आवगमन ठप्प नै हुनेगरेको यस क्षेत्रमा यस वर्षचाहिँ ‘अफ सिजन’मा १५ देखि २० जनासम्म पर्यटक इन्ट्री हुनेगरेकोे सूचना अधिकारी रोकायले बताए ।
नाम्चेका लामाकाजी शेर्पाका अनुसार हाल कर्मचारीहरूमा व्यस्तता बढेको छ भने खुम्बुका होटल, पसल तथा पर्यटन व्यवसायहरू समेत चलायमान बन्दै गएको छ । साथै लामो समय कोरोनाका कारण घर तथा कोठाभित्रै सीमित बन्नुपरेकाले पछिल्लो समय भ्रमण गर्ने स्वदेशी तथा विदेशीको संख्या बढ्न थालेको शेर्पाको अनुमान छ । सगरमाथा क्षेत्रमा वर्षको दुई सिजन चैत अन्तिमबाट जेठसम्म र असोजदेखि मंसिरसम्मलाई मुख्य पर्यटकीय सिजन मानिन्छ ।
क्याटेगोरी : बिबिध
ताजा अपडेट
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया