सोलुका दुई सय १० उम्मेदवारले गरे आयोगको अवज्ञा
एलिना गुरुङ २०७९, भदौ २० ११:५६ 
सोलुखुम्बु । सोलुखुम्बुका दुई सयभन्दा बढी उम्मेदवारले निर्वाचन आयोगले सोधेको स्पष्टीकरणको बेवास्ता गरेका छन् । निर्वाचनको खर्चविवरण पेस नगरेका जिल्लाका चार सय ३१ जना उम्मेदवारलाई आयोगले स्पष्टीकरण सोधेको थियो । जयमध्ये दुई सय १० जनाले आयोगलाई स्पष्टीकरण नै पेस नगरेको निर्वाचन आयोगले जनाएको छ ।
निर्वाचन परिणाम घोषणा भएको ३० दिनभित्र चुनावखर्च विवरण बुझाउनुपर्ने कानुनी प्रावधान छ । तर जिल्लामा स्थानीय तह निर्वाचन २०७९ मा उम्मेदवार बनेका आठ सय सात जनामध्ये चार सय ३१ जनाले तोकिएको समयमा खर्चविवरण बुझाएका थिएनन् ।
उनीहरूलाई आयोगले भदौ १ गतेदेखि ७ गतेसम्म लिखित स्पष्टीकरण बुझाउने समय दिएको थियो । तर सो समयमा जिल्लाका दुई सय २७ जनाले मात्रै लिखित स्पष्टीकरण पेस गरेको जिल्ला निर्वाचन कार्यालय सोलुखुम्बुले जनाएको छ । स्पष्टीकरणको बेवास्ता गर्नेहरूमा सोलुदुधकुण्ड नगरपालिकाका ६२, थुलुङदुधकोशी गाउँपालिकाका १७, महाकुलुङ गाउँपालिकाका २८, लिखुपिके गाउँपालिकाका १५ र माप्य दुधकोशी गाउँपालिकाका १७ जना रहेका छन् ।
सोताङ गाउँपालिकाका ३४, नेचासल्यान गाउँपालिकाका १४ र खुम्बु पासाङल्हामु गाउँपालिकाका १७ जना उम्मेदवार रहेका छन् । निर्वाचन खर्चको विवरण नबुझाउने उम्मेदवारलाई निर्वाचन आयोग ऐन, २०७३ अनुसार राजनीतिक दल वा उम्मेदवारले गरेको खर्च वा पाँच लाखमध्ये जुन बढी हुन्छ, सोहीबराबरको रकम निर्वाचन आयोगले जरिवाना गर्ने व्यवस्था गरेको छ । त्यस्तै, छ महिनासम्म जरिवाना रकम नबुझाउने राजनीतिक दल वा उम्मेदवारलाई बढीमा छ वर्षसम्म कुनै पनि निर्वाचनमा भाग लिन वा उम्मेदवार हुन नपाउने व्यवस्था रहेको छ ।
क्याटेगोरी : बिबिध
ताजा अपडेट
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया