सोलुका १२ हजार बढी बालबालिका फाइजर खोपको पहुँचमा
एलिना गुरुङ २०७९, भदौ २३ ११:५१ 
सोलुखुम्बु । सोलुखुम्बुका १२ हजार जना बढी बालबालिकालाई कोरोनाविरुद्धको फाइजर खोप लगाइएको छ । जिल्लाको आठ स्थानीय तहका १२ हजार एक सय ३२ जना बालबालिकालाई कोरोना भाइरसविरुद्धको पहिलो मात्राको फाइजर खोप लगाइएको स्वास्थ्य कार्यालय सोलुखुम्बुले जनाएको छ ।
खोप प्राप्त गर्ने बालबालिकाहरुमा सोलुदुधकुण्ड नगरपालिकाका तीन हजार एक सय ९४ जना, थुलुङ दूधकोशी गाउँपालिकाका दुई हजार एक सय ९४ जना, नेचासल्यानका एक हजार एक सय २० जना र सोताङका एक हजार एक सय ९२ जना छन् । यस्तै महाकुलुङका एक हजार चार सय २० जना, माप्यदूधकोशीका एक हजार चार सय ७५ जना, खुम्बु पासाङ ल्हामुका एक हजार ४० जना र लिखुपिकेका चार सय ९७ जना बालबालिका रहेको सम्बन्धित पालिकाको स्वास्थ्य शाखाले जनाएको छ ।
कोरोना संक्रमणदरलाई मध्येनजर गर्दै जिल्लामा भदौ ५ गतेदेखि १३ गतेसम्म विभिन्न स्वास्थ्य संस्था तथा विद्यालयहरुमा फाइजर खोप लगाइएको स्वास्थ्य कार्यालय सोलुखुम्बुका प्रमुख नारद सुवेदीले बताए । अब दोस्रो मात्राको खोप असोजबाट सुरु गरेर दशैँअगावै सक्ने लक्ष्य लिएको प्रमुख सुवेदीको भनाई छ । जिल्लामा पाँच देखि ११ वर्षसम्मका करिब १४ हजार जना बालबालिका रहेको स्वास्थ्य कार्यालयको तथ्यांक छ ।
क्याटेगोरी : बिबिध
ताजा अपडेट
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
- दुई दलीय संयन्त्रबाट सरकार सञ्चालन गर्न सहज हुने छ : उपप्रधानमन्त्री सिंह
- नेपालबाट बङ्गलादेश विद्युत् निर्यात सुरु
- गरिमा विकास बैंक र नेपाल विद्युतीय व्यवसायी महासंघबीच सम्झौता
- इन्फोडेभलपर्स र साङ्ग्रिला डेभलपमेन्ट बैंकबीच सम्झौता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया