सामुदायिक स्वास्थ्य सहयोग कार्यक्रम लोकप्रिय बन्दै
सुबास बस्नेत २०७९, असोज ३० ११:३२ 
दोलखा । धुलिखेल अस्पताल दोलखाले जिल्लाका चार स्थानीयतहमा सञ्चालन गरेको सामुदायिक स्वास्थ्य सहयोग कार्यक्रम लोकप्रिय बन्दै गएको छ । अस्पताल तथा स्वास्थ्य केन्द्रको पहुँचदेखि टाढा रहेका दोलखाका चारवटा स्थानीयतहहरूमा धुलिखेल अस्पतालले गतवर्ष उक्त कार्यक्रम सञ्चालन गरेको हो ।
कार्यक्रमले सहजरूपमा स्वास्थ सेवाको पहुँच पुगेको धुलिखेल अस्पताल दोलखाका प्रमुख मेडिकल सुपरिटेन्डेन्ट डाक्टर राजकुमार दङ्गालले बताए । अस्पतालले भूकम्पपछि जिल्लाको भीमेश्वर नगरपालिका, बैतेश्वर, कालिञ्चोक र तामाकोशी गाउँपालिकामा स्वास्थ्य कर्मचारी नै खटाएर सामुदायिक स्वास्थ सहयोग कार्यक्रम सञ्चालन गरेको छ । ग्रामीण भेगमा उक्त कार्यक्रमको सेवा लिने बिरामी वृद्धि भएको अस्पतालको तथ्यांकले देखाएको छ । कार्यक्रमले ग्रामीण बस्तीका महिला तथा ज्येष्ठ नागरिक, बालबालिकाहरूलाई सहजरूपमा घरमै पुगेर सेवा दिएकाले सामुदायिक स्वास्थ्य कार्यक्रम लिनेहरूको संख्या वृद्धि हुँदै गएको डाक्टर दङ्गालले बताए ।
धुलिखेल अस्पतालले अस्पताल र स्वास्थ्य केन्द्रको पहुँचमा नरहेका विकट ग्रामीण बस्तीका नागरिकलाई लक्षित गरी उक्त कार्यक्रम सञ्चालन गरेको हो । मुख्य गरी सुत्केरी महिलाले सहजरूपमा घरबाटै समयमै स्वास्थ परामर्श, प्रस्तुति सेवा पाएको अस्पतालले जनाएको छ । अस्पतालले सहजरूपमा निःशुल्क सेवा दिने हँुदा बिरामी दर र मृत्यु दर घट्दै गएको, प्रजनन दर, नवजात मृत्यु र बाल रोगमा पनि कमी आएको डाक्टर दङ्गाल बताए । धुलिखेल अस्पताल दोलखाले एक महिनाको अवधिमा नौ सय जनालाई सामुदायिक स्वास्थ सहयोग कार्यक्रममार्फत स्वास्थ सेवा दिने गरेको छ ।
क्याटेगोरी : बिबिध
ताजा अपडेट
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया