विराटनगर । उद्योग संगठन मोरङले चालू आर्थिक वर्षका लागि १७ वटा नवीन व्यावसायिक आइडियाहरुलाई स्टार्टअप उद्यमीका रुपमा छनौट गरेको छ । नयाँ सोच विचार तथा अवधारणा भएका युवाहरुलाई उद्यमशीलतामा रुपान्तरण गर्दै सहजीकरण गरी नयाँ व्यवसायहरुको सृजना गर्न उत्प्रेरकको भूमिका निर्वाह गर्ने उद्देश्यले उद्योग संगठन मोरङले गत वर्षदेखि सञ्चालन गरेको स्टार्टअप एण्ड इनोभेसनअन्तर्गत दोस्रो ब्याचका लागि १७ युवा उद्यमी छानिएको बताएको छ ।
चालू आर्थिक वर्षमा छानिएका नवउद्यमीहरुमा छ जना महिला र ११ जना पुरुष छन् । छनौट भएका स्टार्टअपलाई गत असोज २७ देखि ३० गतेसम्म चार दिनको बुट क्याम्पमा राखी बिजनेस हेल्थ चेकअप गरी मेन्टर तथा बिजनेस कोचहरुसँग म्याच मेकिङ गरी चार दिने बुट क्याम्पमा सहभागी गरिएको थियो । नवउद्यमीलाई सघाउन १८ जना मेन्टर, पाँच जना बिजनेस कोच र छ जना स्टार्टअप फेलो समेत चयन गरिएको उद्योग संगठन मोरङले जनाएको छ ।
छनौट भएका स्टार्टअपहरुको व्यावसायिक योजना तयारी, सोअनुरुप आवश्यक पर्ने प्राविधिक विषयहरुमा मेन्टरसिप, कोचिङ तथा परामर्श सेवा, नेटवर्क विस्तारका साथै बुट क्याम्पको आयोजनाअन्तर्गत बिजनेस क्यानभास मोडेल, बिजनेस हेल्थ चेक अप, उपभोक्तासँग साक्षात्कार गराउन हाटबजार एवं विभिन्न विषयगत कार्यक्रमहरुका माध्यमबाट १२ महिना व्यावसायिक सेवा उपलब्ध गराएको उद्योग संगठन मोरङले जानकारी दिएको छ । छनौट भएका नयाँ उद्यमीलाई आवश्यक पर्ने लगानीमा समेत सहजीकरण गरिने कार्यक्रम रहेको संगठनका स्टार्टअप कार्यक्रमको समितिका संयोजक सुरेन्द्र गोल्छाले बताए ।
उक्त कार्यक्रम कार्यान्वयनका लागी प्रदेश सरकार उद्योग श्रम तथा रोजगार मन्त्रालय, विराटनगर महानगरपालिका, स्विस कन्ट्याक्ट, आसमान नेपाल, पूर्वाञ्चल विश्वविद्यालय, अन्तप्र्रेरणा प्रालि, नबिल बैंक लिमिटेड, नेपाल युवा उद्यमी मञ्च लगायतका संस्थाहरुसँगको सहकार्य रहेको जानकारी पनि संगठनले दिएको छ । स्टार्टअप व्यवसायको प्रवर्द्धन र विकासका लागि सरकार, अनुसन्धानमूलक संस्थाहरु एवं निजी क्षेत्रबीच समन्वय गरी प्रदेश नं १ को नमूनाको रुपमा व्यवसाय विकासका व्यवस्थापकीय एवं प्राविधिक सेवाहरुको दिगो इकोसिष्टमको जग बसाल्ने लक्ष्य रहेको आयोजक संस्था संगठनले बताएको छ । साथै संगठनले व्यावसायिक सामाजिक जिम्मेवारीअन्तर्गत गएको वर्षदेखि संगठनले प्राथमिकताका साथ उक्त कार्यक्रम सञ्चालन गरेको जानकारी पनि उद्योग संगठन मोरङले दिएको छ ।
क्याटेगोरी : बिबिध
ताजा अपडेट
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
- आयात रोकिएपछि नेपाली महले बजार पाउन थाल्यो
- प्याजका बिरुवा बेचेर डेढ लाख कमाइ
- ‘मेची–महाकाली राष्ट्रिय उद्धार यात्रा–२०८१’ अभियानमा दुई सय ३६ सहयोगापेक्षीहरुको उद्धार
- चीन भ्रमणको प्रारम्भिक तयारी सुरु
- पर्यटनमन्त्री पाण्डेद्वारा कांग्रेस अनुशासन समितिमा उजुरी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया