‘कर सप्ताह’ मनाइने

काठमाडौं । मंसिर १ देखि ७ गतेसम्म ‘कर सप्ताह’ मनाइने भएको छ । यसवर्ष स्वैच्छिक सहभागितासहितको फराकिलो कराधार : दिगो र उत्पादनमुखी अर्थतन्त्रको आधार भन्ने मूल नारामा राष्ट्रिय कर दिवस मनाइएको छ ।

कर शिक्षाको माध्यमबाट स्वेच्छिक कर सहभागितामा जोड दिई कराधार फराकिलो बनाउँदै जाने ध्येयका साथ सरोकारवालाहरूसँग सामूहिकरूपमा तथा संस्थागत सहकार्यमा अन्तरसंवाद, छलफल गरी व्यापक प्रचारप्रसार र कर सचेतता बढाउन यही मंसिर १ देखि ७ गतेसम्म विभिन्न कार्यक्रम तथा क्रियाकलापसहित विभाग र मातहतका सम्पूर्ण कार्यालयहरूबाट कर सप्ताह मनाइनेछ । साप्ताहिक कार्यक्रमको अवसरमा करदातालाई केन्द्र विन्दुमा राखी करदाताहरूको अधिकतम सहभागितासहित निजी क्षेत्रका प्रतिनिधिमूलक संस्थाहरूको सहयोग तथा सहकार्यमा रचनात्मक कार्यक्रमहरू सञ्चालन हुने जनाइएको छ । यी कार्यक्रमहरूबाट आम नागरिकमा करसम्बन्धी जागरण आउने, करको दायरा थप विस्तार हुने तथा गुणस्तरीय सेवा प्रवाह भई स्वेच्छिक कर सहभागिता अभिवृद्धि हुने भएकोले दिवसको विशेष महत्व रहेको छ ।

नेपालमा मूल्यअभिवृद्धि कर लागू भएको दिनदेखि सात दिनसम्म कर सप्ताह मनाइन लागेको हो । २०६९ देखि सरकारले मंसिर १ लाई कर दिवसको रुपमा मनाउँदै आएको छ। मंसिर ७ गते अर्थात् समापनमा भने राष्ट्रिय कर दिवस तथा कर सप्ताह समापन समारोह आयोजना गरी करदाता सम्मानर कर्मचारी पुरष्कृत गर्ने कार्यक्रम रहेको छ । यसअघि पनि सबैभन्दा बढी कर तिर्ने व्यक्ति, कम्पनी तथा संस्थालाई सम्मान गर्दै आएकोमा त्यसलाई निरन्तरता दिइने भएको छ । (आर्थिक दैनिकबाट)

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Inline Feedbacks

View all comments