गोरेटोबाटो निर्माणमा गाउँपालिकाको चासो
सुबास बस्नेत २०७९, मंसीर २५ ११:०९ 
दोलखा । जिल्लाको बैतेश्वर गाउँपालिकाले पुराना गोरेटोबाटो निर्माण तथा मर्मतमा चासो देखाएको छ । पालिकाले चालू वर्षमा यहाँ रहेका २६ वटा गोरेटोबाटोको स्तरोन्नति गर्न सुरु गरेको जनाएको छ ।
पुराना गोरेटोबाटोको स्तरोन्नति गरेर स्थानीय सर्वसाधारणलाई ओहोरदोहोर गर्न सहजता दिने उद्देश्यले गत भदौदेखि नै काम सुरु भएको बैतेश्वर गाउँपालिका अध्यक्ष छबि लामाले बताए । लामाका अनुसार गाउँपालिकाले गतवर्षदेखि नै गोरेटोबाटो स्तरोन्नति गर्ने कार्य थालेको हो । गत वर्ष गाउँपालिकाले करिब दुई दर्जन गोरेटो निर्माण गरिसकेको छ । अहिले पनि करिब ४० लाख बजेट छुट्याएर २६ वटा गोरेटोबाटो निर्माण गर्न लागेको अध्यक्ष लामा जानकारी दिए । चालू वर्ष निर्माण हुने गोरेटोबाटो धेरैको सम्झौता भएर काम समेत धमाधम भइरहेको छ । चालू वर्षभित्र निर्माण हुने गोरेटोबाटो वडा नम्बर १ देखि ८ वडाभित्रका रहेका छन् । प्रधानमन्त्री स्वरोजगार कार्यक्रमको अनुदानमा थप बजेट राखेर गाउँपालिकाले सडक स्तरोन्नति तथा गोरेटोबाटो निर्माणमा लगानी गरेको गाउँपालिकाको योजना अधिकृत वासुदेव दाहालले जानकारी दिए ।
गत आवमा बैतेश्वर गाउँपालिकामा करिब छ किलोमिटर सडक सोलिङ र एक किलोमिटर सिँढीसहितको गोरेटोबाटो निर्माणसम्पन्न गरेको थियो । चालू वर्षमा पनि पालिकाको बजेट र प्रधानमन्त्री स्वरोजगार कार्यक्रमको लागि आएको बजेटमा थप गरेर साढे दुई दर्जन गोरेटोबाटो तथा स्थानीय ग्रामीण सडक सोलिङ गर्ने काम जारी रहेको दाहालले बताए । पालिकाले ग्रामीण सडकको स्तरोन्नति गर्दै स्थानीयलाई रोजगारी समेत दिएको छ । त्यसैगरी गाउँपालिकाले स्थानीयको मागबमोजिम छनोटमा परेका साना सिँचाइका योजनाको काम पनि धमाधम गरिरहेको छ । खेतीपाती र खानेपानीको समस्या भएका ग्रामीण बस्तीको पहिचान गरी खानेपानी र सिँचाइ कुलोलगायतका संरचनाको काम भइरहेको गाउँपालिकाले जनाएको छ ।
क्याटेगोरी : बिबिध
ताजा अपडेट
- बाह्य व्यापार र निकासीमा अनुदान
- तरलतामा किन भइरहन्छ सधैँ तलमाथि ?
- २२ अर्बको राजस्वमा कार्यकारीको खेलवाड
- लघुवित्तहरूमा वित्तीय जोखिम बढ्दो
- ‘प्रधानमन्त्री नेपाली उत्पादन तथा उपभोग अभिवृद्धि कार्यक्रम’ प्रस्तावमै सीमित
- दार्चुलामा जीप दुर्घटना, छ जनाको घटनास्थलमै मृत्यु
- छुर्पीको अनिवार्य गुणस्तरसम्बन्धी मापदण्डको प्रस्ताव मन्त्रिपरिषद्मा पेस गरिने
- शुक्रबारका लागि यस्तो छ विदेशी मुद्राको विनिमय दर
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया