प्रादेशिक अस्पतालको बर्न वार्डलाई ५४ लाखको सामान हस्तानान्तरण
बटुकनाथ झा २०७९, पुस २२ १०:५२ 
जनकपुरधाम । प्रादेशिक अस्पताल जनकपुरधाममा अग्निजन्य हिंसाबाट प्रभावितको उपचारमा सहयोग गर्ने उद्देश्यले ५४ लाख रूपैयाँबराबरको सामानहरू हस्तानान्तरण गरिएको छ । अग्निजन्य हिँसाको प्रभावितका क्षेत्रमा काम गरिरहेको संस्था बीभीएस नेपाल आयोजना तथा एक्सन एडको सहयोगमा प्रादेशिक अस्पताल जनकपुरधामको बर्न वार्डमा छ बेड थप्नको लागि चाहिने आवश्यक सामानहरू प्रदान गरिएको छ ।
प्रादेशिक अस्पतालको वर्न वार्डमा अग्निजन्य हिंसाका प्रभावितको संख्यामा वृद्धि भइरहेकाले वर्तमान अवस्थामा अस्पतालसँग रहेको छ बेडको बर्न वार्डले कठिनाइ भइरहेको बेला विभिन्न २० वटा सामानहरू प्रदान गरिएको हो । हस्तानान्तरण गरिएको सामानहरूमा बर्न बेड छ थान, दुई टनको एसी दुई थान, रेफ्रिजेरेटर दुई थान, ड्रेसिङ सेट १२ थान, ह्वीलचेयर छ थान, फोल्टेवल चेयर छ थानलगायतका अग्निजन्य हिंसा प्रभावितको उपचारमा प्रयोग हुने सामानहरू रहेका छन् । प्रादेशिक अस्पतालका तर्फबाट ती सामानहरू ग्रहण गर्दै मधेश स्वास्थ्य विज्ञान प्रतिष्ठानका उपकुलपति डा. रामकेवल साहले बीभीएस नेपालको सहयोगमा पाएको सामानहरूले बर्न वार्डको सेवा विस्तारमा सहयोग पुग्ने बताए ।
कात्तिकदेखि फागुन महिनासम्म चिसोका कारण आगोको ताप्नेलागायतका गतिविधिका कारण अग्निजन्य हिंसा प्रभावितको चाप बढेको गरेको छ । एक वर्षमा प्रादेशिक अस्पताल जनकपुरधाममा ८० भन्दा बढी अग्निजन्य हिंसाको प्रभावित सेवा लिन आएको बीभीएस नेपालका दिपेन्द्र तिवारीले जानकारी दिए ।
क्याटेगोरी : बिबिध
ताजा अपडेट
- निर्यात बढाउन हरसम्भव प्रयत्न गर्ने प्रतिबद्धता
- बेलायतद्वारा जलवायु परिवर्तनका असर घटाउन गरेका प्रतिबद्धताअनुसार सहयोग हुन्छ : विशेष प्रतिनिधि क्याथे
- मोटरसाइकल दुर्घटनामा एकको मृत्यु
- यस्तो छ आजका लागि विदेशी मुद्राको विनिमय दर
- एमाले इलामको अध्यक्षमा बराल निर्वाचित
- ‘चाइना कार्ड’ भन्दै पूर्व प्रधानमन्त्री प्रचण्डले दिएको अभिव्यक्तिप्रति आपत्ति
- स्थानीय तह उपनिर्वाचनस् कांग्रेसले चयन गर्यो कोशी र गण्डकी प्रदेशका उम्मेदवार
- डिजेल र मट्टितेलको मूल्य बढ्यो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया