कोइरालालाई रोटरी गोपाल–कमला राजभण्डारी पुरस्कार

काठमाडौं । युवा उद्यमी सुदीप कोइरालाले १० लाख रुपैयाँ राशिको ‘गोपाल–कमला राजभण्डारी रोटरी अवार्ड फर भोकेसनल एक्सिलेन्स’ पुरस्कार प्राप्त गरेका छन् । दिदी फाउन्डेसनका सञ्चालक कोइरालाले सामाजिक उद्यमशीलता तथा समाज परिवर्तनमा महत्वपूर्ण भूमिका निर्वाह गरेबापत यो पुरस्कार प्राप्त गरेका हुन् ।

रोटरियन गोपाल–कमला राजभण्डारीको नामबाट समाजका विभिन्न क्षेत्रमा योगदान पु¥याउनेलाई यो पुरस्कार दिइँदै आइएको छ । यसअघि प्रत्येक दुई वर्षमा प्रदान गर्दै आइएको यो पुरस्कार यस वर्षदेखि वार्षिक रुपमा प्रदान गर्ने बताइएको छ । रोटरी क्लब डिस्ट्रिक्ट ३२९२ को १५औं राष्ट्रिय सम्मेलनका अवसरमा हालै गोपाल–कमलाका नाति आमोद राजभण्डारीले परिवारको अन्य सदस्यको उपस्थितिमा कोइरालालाई उक्त पुरस्कारबाट सम्मानित गरेका हुन् ।

यो पुरस्कार गोपाल–कमला राजभण्डारीको स्मृतिमा स्थापना गरिएको हो । समाज परिवर्तनमा महत्वपूर्ण भूमिका खेल्नेलाई प्रोत्साहन गर्ने उद्देश्यले युवा उद्यमी कोइरालालाई उक्त पुरस्कार प्रदान गरिएको आमोद राजभण्डारीले बताए । उनका अनुसार बासुदेव गोल्यानको अध्यक्षतामा छ सदस्यीय
पुरस्कार छनोट समिति गठन गरिएको थियो ।

पुरस्कार प्राप्त गरेका कोइरालाले उक्त पुरस्कारको रकम समाजको उन्नतिका लागि लगानी गर्ने बताए । ‘हामीले काम गर्दा समाजका पिछडिएको वर्गको पनि आर्थिक उत्थान हुनुपर्छ’, उनले भने, ‘यो पुरस्कारले मलाई थप त्यही बाटोमा हिँड्न प्रोत्साहन गर्नेछ ।’