मेलुङका ७५ प्रतिशत बस्तीमा स्वच्छ खानेपानीको पहुँच
सुबास बस्नेत २०८१, असार ७ १०:५९ 
दोलखा । जिल्लाको मेलुङ गाउँपालिकाले गाउँघरमा खानेपानी विस्तारलाई उच्च प्राथमिकतामा राखेर काम गरिरहेको जनाएको छ । पालिकाले अन्य पूर्वाधारसँगै स्वच्छ खानेपानीको पहुँच विस्तारमा उच्च प्राथमिकता दिएको हो ।
पालिकाका ७५ प्रतिशत बस्तीमा खानेपानी पहुँच पुगेको गाउँपालिका अध्यक्ष हिराकुमार थोकरले बताए । बाँकी २५ प्रतिशत जनतालाई पनि स्वच्छ पानी पु¥याउने कार्य भइरहेको उनले जानकारी दिए । गाउँपालिकाले चालू वर्षमा पालिकाभित्र सानाठूला गरी खानेपानीका ५० वटा योजना वितरण गरेको थियो । सोमध्ये ३० वटा खानेपानी ट्याङ्की, २९ वटा इन्टेक, ५७ दशमलव १५ किलोमिटर खानेपानी पाइपलाइन विस्तार तथा दुई सय ९६ वटा धारा निर्माण कार्य सम्पन्न गरिसकेको गाउँपालिकाकाले जनाएको छ ।
स्वच्छ खानेपानी वितरणको लागि गाउँपालिकाले चालु आर्थिक वर्ष २०८०/०८१ मा ३ करोड ३८ लाख ५० हजार रुपैयाँ विनियोजन गरेको थियो । पालिकाको मुख्य प्राथमिकतामा सडक योजना राखेको छ भने दोस्रोमा खानेपानी विस्तारलाई राखेर काम गरिरहेको छ । आगामी आर्थिक वर्षको निति तथा कार्यक्रममा पनि खानेपानीलाई उच्च प्राथमिकतामा राख्ने गाउँपालिकाकी उपाध्यक्ष गायत्री आचार्यले बताइन् । केही वर्ष अघिसम्म खानेपानीको समस्या लिएर सदरमुकाम पुग्ने स्थानीय अहिले घरमै धारासहितको स्वच्छ पानी आएपछि दङ्ग छन् ।
क्याटेगोरी : पालिका समाचार, गाउँ पालिका
ट्याग : #Page 8
ताजा अपडेट
- नेपालगञ्जमा १०८ फिट अग्लो ‘हनुमान’को मूर्ति बनाइँदै
- राजस्व सङ्कलन बढ्यो
- ‘प्रादेशिक तथा स्थानीय सडक सुधार कार्यक्रम’ प्रारम्भ
- शेयर बजार राताम्मै
- भारतीय सेनाध्यक्षलाई राष्ट्रपतिद्वारा ‘मानार्थ महारथीको दर्ज्यानी चिन्ह’ प्रदान
- पूर्वाञ्चल विश्वविद्यालयले अन्तर्राष्ट्रिय सम्मेलन गर्ने
- पाथीभरा क्षेत्रमा हल्का हिमपात सुरु
- बजार माग बढेसँगै अलैँचीको मूल्य उच्च विन्दुमा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया