सल्लेरीको अव्यवस्थित संरचनामा डोजर
सोलुखुम्बु । सोलुखुम्बुको सदरमुकाम सल्लेरीका अव्यवस्थित संरचनामा डोजर चलेको छ । सोलुदूधकुण्ड नगरपालिकाले बजारलाई नै कुरूप बनाएको भन्दै अव्यवस्थित संरचनामा डोजर चलाएको हो । सोलुदूधकुण्ड जिल्लाको एक मात्र नगरपालिका हो ।
वर्षाैंदेखि जीर्ण बनेका यी संरचनाले जोखिम थपेको भन्दै स्थानीयले पनि यस्ता संरचना हटाउन दबाब दिँदै आएका थिए । नयाँ बजारका स्थानीय निशा राईले बजार क्षेत्रको कतिपय संरचनाले जोखिम बढाएकाले संरचना भत्काउने काम स्वागतयोग्य रहेको बताइन् । उनले यो अभियान निरन्तर सञ्चालन गर्न नगरपालिकासँग आग्रह पनि गरिन् ।
मंगलबार सल्लेरीको आवाडाँडा क्षेत्रबाट सुरु भएको अव्यस्थित संरचना हटाउने काम बुधबार नयाँ बजार क्षेत्रमा पुगेको थियो । नयाँ बजारको मध्यभागमा वर्षौअघि निर्माण भएको फिल्म हल भत्काइएको छ । करिब ढेड दशक अघिसम्म फिल्म हलको रूपमा प्रयोग हुँदै आएको जीर्ण संरचना भत्काइएको हो । त्यसो त संरचना भत्काउने नगरपालिकाको काममा सम्बन्धित घरधनीको समेत सहयोग रहेको छ ।
नयाँ बजारमा भत्काएको चलचित्र घरका धनी रामलाल श्रेष्ठले नगरपालिकाको कामलाई अवरोध नगर्ने बताए । उनले भने, ‘नगरपालिका बनाउने दायित्व मेयरको मात्रै होइन हामी सबैको हो । हाम्रो संरचना भत्काउँदा नगरको विकास हु्न्छ भने हामीले अवरोध होइन सहयोग गर्नुपर्छ । हाम्रै सहमतिमा यो घर भत्काइएको हो ।’ भवन आफैँ भत्किएको खण्डमा मानवीय क्षति हुन सक्ने भएकाले नगरपालिकाले नै भवन भत्काएको सोलुदूधकुण्ड– ६ का वडाध्यक्ष फुर्वा ग्याल्जेन शेर्पा(फुरी)को भनाइ छ । केही दिनअघि सल्लेरी क्षेत्रको अव्यवस्थित तार हटाएको नगरपालिकाले अहिले अव्यवस्थित संरचना हटाउन सक्रिय भएको हो ।
व्यवस्थित र सुन्दर नगरपालिका बनाउने आफूहरूको अभियानमा जनताले साथ दिएको नगर प्रमुख नाम्गेल जाङबु शेर्पाको भनाइ छ । अव्यवस्थित संरचनामा डोजर चलाउनुअघि नगरपालिकाले सूचना जारी गरेको थियो । साथै, सरोकारवालालाई पत्राचारसमेत गरिएको प्रमुख शेर्पाले जानकारी दिए । घरधनी आफैँले संरचना नहटाएपछि नगरपालिका आफैं अघि बढेको उनको भनाइ छ ।
क्याटेगोरी : प्रदेश समाचार, कोशी प्रदेश
ट्याग : #Page 8
ताजा अपडेट
- जिपि कोईराला फाउन्डेशन अमेरीकाद्वारा शुभकामना आदान-प्रदान कार्यक्रम सम्पन्न
- खोज र अध्ययनले समृद्ध न्यायिक इतिहास निर्माण गर्न सकिन्छ : प्रधानन्यायाधीश
- माओवादी केन्द्रको सडक आन्दोलन,सरकार असफल भएको निष्कर्ष
- कोप–२९ मा हिमालदेखि समुद्रसम्मका विषय सशक्त रुपमा उठाइनेछ: प्रधानमन्त्री
- राजस्व कार्यालयद्वारा पहिलो तीन महिनामा लक्ष्यको ८५ प्रतिशत राजस्व सङ्कलन
- नेपालको वित्तीय अवस्था सन्तोषजनक छः गभर्नर अधिकारी
- कोप–२९ लाई अर्थपूर्ण बनाउन आज राष्ट्रिय जलवायु सम्मेलन हुँदै
- आसोजमा नौ हजार पर्यटक सगरमाथा क्षेत्र पुगे
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया