दोलखाको हनुमन्ते डाँडा आन्तरिक पर्यटनको रोजाइमा
दोलखा । समुद्री सतहदेखि तीन हजार दुई सय मिटर उचाइमा रहेको दोलखाको धार्मिक तथा पर्यटकीय गन्तव्यको रूपमा रहेको हनुमन्ते डाँडा नयाँ वर्षमा आन्तरिक पर्यटकको रोजाइमा परेको छ ।
सधैँ सुनसान देखिने यस क्षेत्र २०८० सालको पहिलो दिन वैशाख १ गते हजारौँ आन्तरिक पर्यटकले भरिएको थियो । यस क्षेत्रको पर्यटन विकास गर्ने उद्देश्यले हनुमन्तेश्वर पर्यटन विकास समितिले नयाँ वर्षको शुभकामना आदानप्रदान तथा सांस्कृतिक मेलाको समेत आयोजना गरेको थियो । उक्त मेलामा झन्डै १० हजारको हाराहारीमा आन्तरिक पर्यटक हनुमन्ते डाँडा पुगेका हुन् । दोलखाको कालिञ्चोक, शैलुङपछिको उच्च स्थानमा अवस्थित हनुमन्ते डाँडा पुरानो तथा ऐतिहासिक महत्व बोकेको स्थान भएकाले यस क्षेत्र पछिल्लो समय आन्तरिक पर्यटकको रोजाइमा पर्ने गरेको छ ।
कार्यक्रममा दोलखा जिल्लाभित्रका नौवटै स्थानीयतह बाट आ–आफ्नो जातीय सांस्कृतिक झल्काउने प्रस्तुत लिएर स्थानीयहरू हनुमन्ते पुगेका थिए । मेला दुई दर्जनबढी स्थानीय उत्पादनलाई लक्षित गरी स्टलहरू समेत राखिएको थियो । यो क्षेत्र निकै रमणीय र मानिसहरूलाई भ्रमणमा जाँदा स्वर्गीय आनन्द दिलाउने स्थानको रूपमा रहेको छ । हनुमन्तेडाँडा पुग्ने पर्यटक तथा दर्शनार्थीले त्यहाँबाट दोलखाको अधिकांश रमणीय डाँडाकाडा, हिमशृङखला र विभिन्न क्षेत्रको दृश्यावलोकन गर्न पाउँछन् । हनुमन्ते पर्यटकीय गन्तव्यको रूपमा उत्कृष्ट भए पनि शैलुङ, कालिञ्चोकको अगाडि छायामा पर्नेगरेको छ । मुख्य गरी जिरी नगरपालिका, बैतेश्वर गाउँपालिका तथा गौरीशंकर गाउँपालिका सिमाना रहेको यो डाँडा जिल्लाकै तेस्रो पर्यटकीय गन्तव्यको रूपमा रहेको छ ।
परापूर्वकालमा हनुमन्तेडाँडामा हनुमानको मूर्ति आफैँ उत्पत्ति भएको किंवदन्ती छ । विगतमा हनुमन्तेमा हनुमानको मूर्ति रहे पनि सो स्थानको मूर्ति चोरी भएपछि हनुमन्ते डाँडाको प्रचारप्रसार हुन छाडेको स्थानीय पुष्कर अधिकारीले बताए । रामायण कथाअनुसार भगवान् लक्ष्मणको उपचारका लागि जडीबुटीको खोजीमा निस्केका रामभक्त हनुमानले सञ्जीवनीको बुटी खोज्ने क्रममा यहीँ क्षेत्रबाट सिंगो पहाड नै बोकेर लगेको धार्मिक विश्वास छ । चारैतिर गुफा र हनुमानको मूर्तिले सजिएको यस क्षेत्रमा पछिल्लो समय आन्तरिक पर्यटक बाक्लो उपस्थिति हुनलागेको छ । पुरानो हनुमानको मूर्ति चोरी भएपछि अहिले नयाँ मूर्ति भिरको टाकुरामा स्थापना गरिएको छ भने मूर्ति नजिकै गुफामा शिवलिङ्ग छन् । शिवलिङ्गमाथि गाईका थुन आकारको मूर्ति छ, त्यहाँबाट जल वर्षा भइरहन्छ । धार्मिक विश्वास राख्ने र प्रकृतिसँग लुकामारी गर्नेहरूको लागि हनुमन्ते एक आकर्षणको महत्व बोकेको केन्द्रको रूपमा रहेको छ ।
क्याटेगोरी : प्रदेश समाचार, बागमती प्रदेश
ट्याग : #Page 8
ताजा अपडेट
- कोप–२९ लाई अर्थपूर्ण बनाउन आज राष्ट्रिय जलवायु सम्मेलन हुँदै
- आसोजमा नौ हजार पर्यटक सगरमाथा क्षेत्र पुगे
- यस्तो छ आजको लागि विदेशी मुद्राको विनिमय दर
- तुलसीपुरमा जिप दुर्घटना हुँदा दुईको मृत्यु, तीनजना घाइते
- इजरेलद्वारा इरानमा हवाई हमला, क्षतिबारे इरानले के भनेको छ?
- विभिन्न नाम र स्वरुपमा हुने कुनै पनि प्रकारका अवाञ्छित गतिविधिहरु उचित नरहेको सत्तारुढ गठबन्धनको निष्कर्ष
- कसरी हुन्छ सङ्गठित अपराधको अनुसन्धान, सहकारी ठगी कस्तो अपराध हो ?
- दैनिक जीवनसँग जोड्ने गरी प्राविधिक शिक्षा उपलब्ध गराउनुपर्छ: मन्त्री भट्टराई
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया