गण्डकी प्रदेशमा मन्त्रिपरिषद विस्तार

काठमाडौं । नेपाली कांग्रेस र नेकपा माओवादी केन्द्रका सांसदहरूलाई गण्डकी प्रदेशका मुख्यमन्त्री सुरेन्द्रराज पाण्डेले मन्त्रिपरिषद विस्तार गरि शुक्रबार मन्त्री बनाएका छन्।

नेकपा एकीकृत समाजवादी लाई एक मन्त्री दिने र एकीकृत समाजवादीका राजिव गुरूङ (दीपक मनाङे) लाई पनि मन्त्री बनाउने तयारी भए पनि निर्णय भने भइसकेको छैन ।

कांग्रेसबाट नवलपुरका महेन्द्रध्वज जिसी र बागलुङका दीपेन्द्र थापा मन्त्री नियुक्त भएका छन्। शुक्रबार अपराह्न ४ बजे नवनियुक्त मन्त्रीहरूको शपथ गर्ने कार्यक्रम रहेको मुख्यमन्त्री तथा मन्त्रिपरिषद कार्यालय स्रोतले जनाएको छ ।