कञ्चनजङ्घा हिमालमा चार विदेशीसहित १४ जनाले गरे सफल आरोहण

ताप्लेजुङ । बिहीवार चार विदेशीसहित १४ जनाले कञ्चनजङ्घा हिमालमा सफल आरोहण गरेका छन् । आरोहण गर्नेमा अमेरिकाका आना गुट्टु, ताइवानका तारेन्स र ग्रेस, फ्रान्सका आलेस्टर हुन् । उनीहरू एलाइट एक्सपिडिसनबाट आरोहणका लागि गएका थिए ।

कम्पनीका प्रबन्धक मिङ्मा डेभिड शेर्पाका अनुसार युक्ता, फुर्सना, तेज, मिङमार, दावा याङजोम, ङिमा, पासाङ दोर्जी, ङिमादावालगायतले समेत आरोहण गरेका थिए। उनका अनुसार आरोहीहरू सर्वोच्च शिखर सगरमाथाको सफल आरोहण गरेर कञ्चनजङ्घा गभएका थिए । यसअघि एक विदेशी र दुई नेपाली गरी तीन जनाले सफल आरोहण गरेका थिए ।