बाढीका कारण तामाकोशी हाइड्रोपावरको विद्युत् उत्पादन बन्द
सुबास बस्नेत २०८१, असार २३ १२:३१ 
दोलखा । अविरल वर्षाका कारण माथिल्लो तामाकोशी जलविद्युत् आयोजनामा विद्युत् उत्पादन बन्द गरिएको छ । तामाकोशी नदीमा ठूलो बाढी आएका कारण चार सय ५६ मेगावाटको माथिल्लो तामाकोशी जलविद्युत् आयोजनाको उत्पादन बन्द भएको हो ।
शुक्रवार बेलुकीदेखि अत्याधिक वर्षा भएर नदीमा ठूलो बाढी आएपछि आयोजनाको उत्पादन बन्द गरिएको आयोजनाका विद्युत् उत्पादन गृह प्रमुख पूर्णगोपाल रञ्जितले जानकारी दिए । उनका अनुसार आयोजनाको बाँध क्षेत्रमा दुई सय ८५ घनमिटरसम्म पानी मापन भएको थियो । आयोजनाको सुरक्षाका लागि विद्युत् गृह नै बन्द गर्नुपर्ने भएकाले शुक्रबार रातिदेखि नै उत्पादन बन्द गरेको उनले बताए । २०० घनमिटरभन्दा बढी पानीको सतह पुगेपछि सामान्यतः आयोजनामा पुग्न सक्ने सम्भाव्य क्षतिलाई आकलन गरी विद्युत् गृह बन्द गर्ने गरिन्छ । तामाकोशी नदीको सहायक नदी लप्ची खोला र जुम खोलाका कुनै ठाउँमा पहिरोले खोला थुनिएर ताल बनेर फुटेर बाढी आएको हुन सक्ने अनुमान छ । तामाकोशी नदीले अहिले गोंगरदेखि तल्लो क्षेत्रमा कटान तीव्र पारेको छ ।
माथिल्लो तामाकोशी जलविद्युत् आयोजनाको टेलरेस रहेको क्षेत्रमा पनि बाढीले कटान गरेको छ । तामाकोशी पानीको बहाव उच्च रहेकाले केहि दिन नदी तटीय क्षेत्रका क्षेत्रका स्थानीयलाई सतर्कता अपनाउन आग्रह गरिएको छ ।
बाढीपहिरोमा परेर एक महिला बेपत्ता
जिल्लाको उत्तरी क्षेत्र गौरीशंकर गाउँपालिका र बिगुको सिमानामा पर्ने गोँगर क्षेत्रमा लगातार परेका अविरल वर्षासँगै आएको बाढीपहिरोमा परेर एक महिला बेपत्ता भएकी छिन् । गौरीशंकर गाउँपालिका वडा नम्बर–९ को सिमिगाउँ च्छोरोल्पा पदमार्गमा पर्ने डोगाङकी स्थानीय ६० वर्षीय जाङ्मु शेर्पा बाढीमा परि बेपत्ता भएकी हुन् ।
उनको खोजी कार्य भइरहेको गौरीशंकर गाउँपालिका–९ का वडाध्यक्ष ङिमगेली शेर्पाले बताए । बिहानदेखि नै नेपाली सेना, सशस्त्र, जनपथ र वडा तथा पालिकाको विपद् व्यवस्थापन टिमले खोजी गरिरहेको छ । बाढीले सिमिगाउँ च्छो–रोलपा डोगाङमा रहेको तीन वटा घर तथा पाँच वटा होटल समेत बगाएको छ भने सयौं हेक्टर खेतीयोग्य जमिन कटान गरेको छ ।
क्याटेगोरी : बागमती प्रदेश
ट्याग : #Page 8
ताजा अपडेट
- गैरबैंकिङ सम्पत्तिमा सर्वोच्चको व्याख्या
- फेरि रोकियो धितोपत्र बोर्डको अध्यक्ष छान्ने काम
- सुनजस्तो देखिने आठ किलो धातुसहित दुई भारतीय नागरिक पक्राउ
- नेपालले कार्बन बिक्रीबाट प्राप्त गर्दैछ रु एक अर्ब ६० करोड
- बाढीपहिरामा परी दुई सय ३९ जनाको मृत्यु
- रातभरका विस्फोटनले बेइरुतमा गुमेको निद्रा, लेबननमा नेपाली कति सुरक्षित ?
- वर्षाले विध्वंस गरेका ठाउँमा विभिन्न रोगको जोखिम, रोकथाम गर्न कस्तो प्रयास हुँदै छ ?
- राजमार्गमा दर्जनौँको ज्यान लिने अधुरा सडकका ‘धराप’
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया