पछिल्लो समयमा विवादित बनेको छवटा उद्योगको बिजुली लाइन नेपाल विद्युत् प्राधिकरण सञ्चालक समितिको निर्णयअनुसार मंगलबार साँझ पुनः जोडिएको छ । बक्यौता नतिरेको भन्दै प्राधिकरणले रिलायन्स स्पेनिङ मिल्स, घोराही सिमेन्ट, अर्घाखाँची, जगदम्बा सिन्थेटिक, हुलास स्टिल र जगदम्बा स्टिलको लाइन काटिदिएको थियो । सबै उद्योगमा मंगलबार साँझ ८ बजेपछि पुनः लाइन जोडिएको हो ।
प्राधिकरण सञ्चालक समिति वैठकक ती उद्योगमा पुनः लाइन जोड्ने निर्णय गरेपछि प्राधिकरणले सम्बन्धित कार्यालयलाई बिजुली जोडिदिन पत्राचार गरेको थियो । सोही पत्राचारअनुसार प्राधिकरणका कार्यालयहरूले लाइन सुचारु गरिदिएका हुन् ।
प्राधिकरणले २०७२ माघदेखि २०७५ वैशाखको ‘डेडिकेटेड फिडर’ तथा ‘ट्रंक लाइन’को बक्यौता तिर्न उद्योगीहरुलाई पत्र पठाएको थियो । असार ९ गते छ अर्ब ६० करोड ७८ लाख रुपैयाँको बक्यौता तिर्न १५ दिनको समय दिएर जानकारीसहितको पत्र पठाएको हो । उद्योगीलाई दिएको समय सकिएको भन्दै प्राधिकरणले छवटा उद्योगको लाइन काटेको हो । उद्योगीहरूले टाइम्स अफ डे मिटरिङ (टीओडी) मिटरको रेकर्ड दिएमात्रै बक्यौता तिर्ने बताएका छन् । प्राधिकरणले त्यो मिटरको रेकर्ड दिन सकेको छैन ।
सर्वोच्च अदालतका पूर्वन्यायाधीश गिरीशचन्द्र लालको अध्यक्षता बनेको जाँचबुझ आयोगले प्रतिवेदनमा २०७२ साउनदेखि पुससम्मको करिब छ महिनाको अवधि, २०७२ माघदेखि २०७५ वैशाखसम्म र २०७५ जेठदेखि २०७७ असारसम्मको फरक–फरक अध्ययन गरेको सुझाव दिएको छ । लाल आयोगको प्रतिवेदन कार्यान्वयन गर्न नसकिने जिकिर प्राधिकरणकाका प्रबन्ध निर्देशक कुलमान घिसिङले गर्दै आएका छन् ।
नियमअनुसार नै विद्युत् बक्यौता उठाइन्छ : प्रधानमन्त्री
प्रधानमन्त्री केपी शर्मा ओलीले सरकारी नियमअनुसार विद्युत् बक्यौता उठाइने बताएका छन् । सामाजिक सञ्जाल फेसबुकमा प्रधानमन्त्री ओलीले विद्युत्को बक्यौता पनि उठाउनुपर्ने र उद्योग पनि चलाउनुपर्ने उल्लेख गरेका हुन् ।
‘हामीलाई उद्योगबाट बक्यौता उठाउनु छ, उद्योग पनि चलाउनु छ, त्यहाँका मजदुरको रोजगारी पनि जोगाउनु छ र कूल गार्हस्थ्य उत्पादन पनि बढाउनु छ’, ओलीले लेखेका छन् । यस विषयमा सरकार र विद्युत् प्राधिकरणका बीचमा बाहिर आएजस्तो कुनै मतभेद नरहेको पनि ओलीले प्रस्ट पारेका छन् ।
क्याटेगोरी : पूर्वाधार विकास / उर्जा
ट्याग : #Page 1
ताजा अपडेट
- इजरेल किन अधीनस्थ वेस्ट ब्याङ्कमा बस्ती बसाउने काम रोक्दैन ?
- दुर्घटना अपडेटः बसको ठक्करबाट घाइते महिलाको पनि मृत्यु
- उदाउँदो चन्द्रमालाई अघ्र्य दिँदै चौठचन्द्र पर्व सम्पन्न
- राजनीतिक परिवर्तनप्रति कर्मचारीहरुले गरेको योगदान प्रशंसायोग्य छ :प्रधानमन्त्री
- हरितालिका (तीज) : पशुपतिनाथलगायत देशभरका शिवालयमा बिहानैदेखि भीड
- संयुक्त राष्ट्रसङ्घको महासभामा भाग लिन प्रधानमन्त्री ओली न्यूयोर्क जानुहुने
- जेष्ठ नागरिकको अवस्था
- नेपालको वैदेशिक व्यापारमा चुनौतीहरू
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया