दोहोरो अंकले उक्लियो सेयर बजार

काठमाडौं । सेयर बजार परिसुचक (नेप्से) दोहोरो अंकले उकालो लागेको छ । अघिल्लो दिन झण्डै छ अंकले ओरालो लागेको बजार परिसुचक साताको तेस्रो कारोबार दिन आज मंगलबार १८ दशमलव ४५ अंकले उकालो लागेर दुई हजार २२ दशमलव ९१ बिन्दुमा चढेको छ । यसैगरी क बर्गका कम्पनीहरुको कारोबार मापन गर्ने सेन्सिटिभ इन्डेक्स पनि दुई दशमलव ५६ अंकले उकालो लागेर तीन सय ८६ दशमलव २४ बिन्दुका कायम रहेको छ ।

धितोपत्र बजारमा आज दुई सय ८६ वटा कम्पनीहरुको ७८ हजार छ सय १६ पटक सेयर किनबेच भएको छ । जसबाट ८७ लाख चार हजार चार सय ७७ कित्ता सेयर खरिद बिक्री हुँदा कुल कारोबार रकम दुई अर्ब नौं करोड ३८ लाख नौं हजार पाँच सय १८ रुपैंयाँ पुग्न सफल भएको छ ।

नेपाल स्टक एक्सचेन्ज लिमिटेड (नेप्से) मा आज १३ वटा उपसमुहहरुको सेयर कारोबार भएका छन् । जसमध्ये होटल तथा पर्यटन उपसमुहको सुचक ओरालो लागेको छ भने बाँणिज्य बैंक, बिकास बैंक, फाईनान्स, जलबिद्युत, जीवन बीमा, निर्जीवन बीमा सहितका १२ वटा उपसमुमहरुको सुचक उकालो लागेका छन् ।