पाँच दशमलव १९ अंकले उक्लियो सेयर बजार

काठमाडौं । सेयर बजार परिसुचक उकालो लागेको छ । अघिल्लो दिन ३३ दशमलव २० अंकले ओरालो लागेको बजार परिसुचक साताको दोस्रो कारोबार दिन आज सोमबार भने पाँच दशमलव १९ अंकले उकालो लागेर १९ सय ७६ दशमलव २९ बिन्दुमा चढेको छ । क बर्गका कम्पनीहरुको कारोबार मापन गर्ने सेन्सिटिभ इन्डेक्स पनि शुन्य दशमलव ६६ अंकले उकालो लागेर तीन सय ७८ दशमलव शुन्य छ बिन्दुमा चढेको छ ।

धितोपत्र बजारमा आज दुई सय ८६ वटा कम्पनीहरुको ८५ हजार पाँच सय ९१ पटक सेयर किनबेच भएको छ । जसबाट ५७ लाख ७६ हजार आठ सय ९६ कित्ता सेयर खरिद बिक्री हुँदा कुल कारोबार रकम एक अर्ब ७३ करोड ७३ लाख १४ हजार ९२ रुपैंयाँ पुगेको छ ।

नेपाल स्टक एक्सचेन्ज लिमिटेड (नेप्से) मा कारोबार भएका १३ वटा उपसमुहहरु मध्ये होटल तथा पर्यटन र उत्पादनमुलक उपसमुहको सुचक ओरालो लागेका छन् भने बाणिज्य बैंक, बिकास बैंक, फाईनान्स, जलबिद्युत, जीवन बीमा, निर्जीवन बीमा सहितका ११ वटा उपसमुहहरुको सुचक उकालो लागेका छन् ।