एक घण्टाको अन्तरालमै सेयर बजारमा तीब्र उतारचढाव

काठमाडौं । एकैदिन नेप्से सूचक ६ प्रतिशतले बढेपछि आइतबारलाई बन्द भएको शेयर बजार दोस्रो दिन आज(सोमबार) भने तीव्र उतारचढाव देखिएको छ । आज १०:३० बजे खुलेको प्रि–ओपनिङ कारोबारमा बजार २५ अंक बढेको थियो ।

११ बजे नियमित कारोबार सुरु भएपछि घट्न थालेको बजार ६ मिनेटमै २६ अंक घटेर १९३७ मा झर्यो । अर्को ६ मिनेटमा बढेर १९८२ अंकमा पुगेको बजार त्यसपछि भने ओरालो लाग्यो । १२ बजे बजार केही सम्हालिंदै अघिल्लो दिनको तुलनामा १९ अंक घटेको छ ।

१२ बजेसम्म दुई अर्ब आठ करोड रुपैयाँको कारोबार भयो । १२ बजेसम्म बैंकिङ १.१, विकास बैंक १.७, फाइनान्स १.१, होटल तथा पर्यटन १, जलविद्युत् १.५, जीवन बीमा ०.८, अन्य समूह ०.९ प्रतिशतले घटेका छन् । व्यापार र उत्पादन समूह केही बढेका छन् ।