सेयर बजारमा दोहोरो अंकले गिरावट

काठमाडौं । सेयर बजार परिसुचक पुन ओरालो लागेको छ । अघिल्लो दिन एक दशमलव ८५ अंकले उकालो लागेको बजार परिसुचक साताको चौंथो कारोबार दिन आज बुधबार १४ दशमलव ४४ अंकले ओरालो लागेर १९ सय ३८ दशमलव ६२ बिन्दुमा झरेको छ ।

यसैगरी क बर्गका कम्पनीहरुको कारोबार मापन गर्ने सेन्सिटिभ इन्डेक्स पनि तीन दशमलव शुन्य तीन अंकले ओरालो लागेर तीन सय ६५ दशमलव २९ बिन्दुमा झरेको छ । आज १३ वटा उपसमुहहरु अन्तर्गत दुई सय ५३ वटा कम्पनीहरुको सेयर खरिद बिक्री भएका छन् । जसबाट २५ हजार चार सय ९१ पटकको कारोबारमा ३७ लाख १६ हजार छ सय ८४ कित्ता सेयर किनबेच भएका छन् । सोही किनबेचका आधारमा आज कुल कारोबार रकम एक अर्ब २० करोड २१ लाख ४१ हजार आठ सय ८२ रुपैंयाँ कायम भएको छ ।

नेपाल स्टक एक्सचेन्ज लिमिटेड (नेप्से) मा आज कारोबार भएका कुल १३ वटा उपसमुहहरु मध्ये ट्रेडिङ उपसमुहको सुुचक १० दशमलव ५७ अंकले उकालो लागेर बाँकी उपसमुहहरुको सुुचक ओरालो लागेका छन् ।