सेयर बजारको ओरालो यात्रा कायमै

काठमाडौं । सेयर बजारको ओरालो यात्राले साताको अन्तिम कारोबार दिन आज बिहिबार पनि निरन्तरता पाएको छ । अघिल्लो दिन झण्डै १८ अंकले ओरालो लागेको बजार परिसुचक आज पुन १८ दशमलव १५ अंकले ओरालो लागेर १९ सय १५ दशमलव १४ बिन्दुमा खुम्चिएको छ ।

‘क’ बर्गका कम्पनीहरुको कारोबार मापन गर्ने सेन्सिटिभ इन्डेक्स पनि दुई दशमलव ९० अंकले ओरालो लागेर तीन सय ६१ दशमलव शुन्य एक बिन्दुमा खुम्चिएको छ । आज १३ वटा उपसमुहहरु अन्तर्गत दुई सय ५९ वटा कम्पनीहरुको सेयर कारोबार भएका छन् ।

जसबाट २९ हजार छ सय ८५ पटकको कारोबारमा ४३ लाख ४० हजार दुई सय ७० कित्ता सेयर खरिद बिक्री भएका छन् । सोही खरिद बिक्रीका आधारमा आज कुल कारोबार रकम एक अर्ब ४१ करोड ३१ लाख ७२ हजार आठ सय दुई रुपैंयाँ पुगेको छ ।

नेपाल स्टक एक्सचेन्ज लिमिटेड (नेप्से) मा आज कारोबार भएका कुल उपसमुहहरु मध्ये सबै उपसमुहहरुको सुचक घटेर ओरालो लागेर सेयर बजार परिसुचक पुरै रातो देखिएको छ ।