एकदिन पनि टिकेन नेप्सेमा दोहोरो अंकको बृद्धि

काठमाडौं । अघिल्लो दिन दोहोरो अंकले बढेको सेयर बजार परिसुचक (नेप्से) को उकालो यात्रा एक दिन पनि कायम रहन सकेन् । अघिल्लो दिन १७ दशमलव ३६ अंकले उकालो लागेको बजार परिसुचक साताको चौंथो कारोबार दिन आज बुधबार १३ दशमलव ६८ अंकले ओरालो लागेर १८ सय ९० बिन्दुमा खुम्चिएको छ ।

क बर्गका कम्पनीहरुको कारोबार मापन गर्नै सेन्सिटिभ इन्डेक्स पनि आज दुई दशमलव ११ अंकले ओरालो लागेर तीन सय ६१ दशमलव ५५ बिन्दुमा खुम्चिएको छ । १३ वटा उपसमुहहरु अन्तर्गत दुई सय ६४ वटा कम्पनीहरुको २३ हजार चार सय २९ पटकको कारोबारमा आज २५ लाख ७१ हजार दुई सय दुई कित्ता सेयर किनबेच भएका छन् । सोही किनबेचका आधारमा आज कुल कारोबार रकम ८४ करोड ७० लाख २८ हजार दुई सय १९ रुपैंयाँ कायम भएको छ ।

नेपाल स्टक एक्सचेन्ज लिमिटेड (नेप्से) मा आज कारोबार भएका कुल उपसमुहहरु मध्ये सबै उपसमुहहरुको सुचक ओरालो लाग्दा सेयर बजार पुरै रातो देखिएको छ ।