पोखरा । पोखरास्थित पोखरा विश्वविद्यालयमा अत्याधुनिक र सुविधा सम्पन्न नयाँ शैक्षिक भवन बन्ने भएको छ । विश्वविद्यालय अनुदान आयोग, विभिन्न दातृ निकायको अनुदान सहयोग एवं आफ्नै आन्तरिक स्रोत परिचालन गरी ४१ करोड ४३ लाख रुपैयाँको लागतमा भवन निर्माण गर्न लागिएको हो ।
भवन निर्माण साउन १५ देखि निर्माण सुरू भई ३० महिनाभित्र सम्पन्न गरिसक्ने गरी सम्झौता समेत भइसकेको छ । श्रेष्ठ एन्ड सन्स, चो रोल्पा जेभी काठमाडौंले भवन निर्माणको जिम्मेवारी लिएको छ भने आयोजनाको सुपरभिजन परामर्शदाताको रूपमा पेस कन्सल्टेन्ट काठमाडौं रहेको छ । उपकुलपति प्राडा प्रेमनारायण अर्यालयको उपस्थितिमा रजिस्ट्रार प्राडा दीपकबहादुर भण्डारी र निर्माण व्यवसायीका तर्फबाट प्रमुख कार्यकारी अधिकृत सन्तोष श्रेष्ठ एवं सुपरभिजन परामर्शदातातर्फबाट प्रबन्ध निर्देशक ई विष्णुप्रसाद खनालले निर्माण सम्झौतामा हस्ताक्षर गरेका थिए ।
सात तला भएको उक्त भवनमा ४८ जना विद्यार्थी क्षमताका १४ वटा कोठा र ३० विद्यार्थी क्षमताका १२ वटा कोठा गरी २६ वटा कक्षा कोठा हुनेछन् । भवनमा १२ वटा प्रशासनिक कोठा, २४ वटा शिक्षक बस्ने कोठा, चार वटा विभागीय प्रमुखका कोठा रहनेछन् । कुल ६६ वटा कोठा डिजाइन गरिएको नयाँ भवनमा छात्रा/महिलाका २३, छात्र/पुरूषका लागि १८ वटा बाथरूम/ट्वाइलेट, २४ वटा युरिनल्स र प्रत्येक तलामा स्टाफका लागि एक–एक वटा बाथरूम/ट्वाइलेट निर्माण गरिनेछ । भवनमा एक–एक वटा प्राथमिक उपचार कक्ष, चौकीदार कक्ष, प्यान्ट्री कक्ष, बिजुली कोठा र चार वटा भण्डार कोठा रहनेछन् । यस्तै, भवनलाई दुई वटा भर्याङ र एउटा लिफ्टसहित तीन सय जना क्षमताको एउटा अडिटोरियम हल र ४० जना क्षमताको एउटा मिनी हलले सुविधायुक्त तुल्याइनेछ । भुइँतलमा १९ कार, ५० मोटरसाइकल तथा भवन परिसरमा ७० मोटरसाइकल अट्न सक्ने गरी व्यवस्थित गरिनेछ ।
सम्झौताबमोजिम भवनलाई निर्माण व्यवसायीले भवनका लागि आवश्यक पर्दा, कार्पेट एवं फर्निचरले राम्रोसँग सुसज्जित गरी हस्तान्तरण गर्नुपर्नेछ । विश्वविद्यालय प्राज्ञिक भवन कम्प्लेक्सको हाताभित्र बन्ने नयाँ शैक्षिक भवनमा अतिरिक्त स्कुल अफ हेल्थ एन्ड एलाइड साइन्सेज भवनका लागि ट्रस संरचना, स्कुल अफ बिजनेस भवनका लागि शौचालय निर्माण र पुरानो प्रशासनिक भवनको मर्मत समेत हुनेछ । प्राज्ञिक भवन कम्प्लेक्सभित्र रहेको स्कुल अफ इन्जिनियरिङको पश्चिमपट्टि र स्कुल अफ डेभलपमेन्ट एन्ड सोसल इन्जिनियरिङको दक्षिणपट्टि बास्केटबल कोर्ट भएको स्थानसमेत प्रयोग गरी नयाँ भवन निर्माण गरिने रजिस्ट्रार भण्डारीले जानकारी दिए । विश्वविद्यालयमा नयाँ–नयाँ कार्यक्रम थपिनेक्रममा रहेका र पठनपाठनका लागि यथेष्ट कक्षा कोठा आवश्यक हुँदै गएकाले नयाँ भवन निर्माण गर्न लागिएको उनले बताए ।
विश्वविद्यालयमा निर्माण हुन लागेको यो भवनले विश्वविद्यालयको शैक्षिक पूर्वाधारमा ठूलो फड्को मार्ने जनाइएको छ । साथै, पोखरा–२६, विजयपुरमा मासिक लाखौँ खर्च गरी भाडामा सञ्चालन हुँदै आएको स्कुल अफ इन्जिनियरिङको ब्लक ‘बि’ र पोखरा–३०, गगनगौंडामा मासिक हजारौँ खर्च गरी सञ्चालित फिजियोथेरापी कार्यक्रमलाई नयाँ शैक्षिक भवनमा स्थानान्तरण गर्ने विश्वविद्यालयको लक्ष्य रहेको सूचना अधिकारी लोकप्रसाद ढकालले जानकारी दिए ।
क्याटेगोरी : प्रविधि / शिक्षा, गण्डकी प्रदेश
ट्याग : #Page 8
ताजा अपडेट
- नेपालले मौसमी सङ्कटको सामना गरिरहेको छ: परराष्ट्रमन्त्री
- ‘वीरगञ्ज नाकाबाट हुने आयात लयमा फर्कियो, व्यापार र उद्योग अझै फर्किएन’
- शेयर बजारमा सामान्य बृद्धि
- ‘हरेक प्रदेशको आफ्नै प्रहरी सङ्गठन हुनुपर्छ’
- बालुवाटारमा तीन दलका शीर्ष नेताको बैठक सुरु
- नाइजेरियामा इन्धन ट्याङ्कर विस्फोटमा एक सय ४० भन्दा बढीको मृत्यु
- अक्सफोर्ड विश्वविद्यालयको प्रमुख बन्न ३८ उम्मेदवार प्रतिस्पर्धामा
- पूर्वी टर्कीमा ५.९ म्याग्निच्युडको भूकम्प
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया