विद्यालयमा विद्युतीय हाजिरी जडान
दोलखा । दोलखाको वैतेश्वर गाउँपालिकाले सामुदायिक विद्यालयमा शिक्षकहरूका लागि विद्युतीय हाजिरी जडान गरेको छ । विद्यालयमा शिक्षकको निरन्तरता र विद्यालय समयभित्र अनिवार्य पठनपाठन गराउन गाउँपालिकाले विद्युतीय हाजिरी सञ्चालन गरेको हो ।
गाउँपालिकाबाटै निगरानी गर्ने गरी विद्युतीय हाजिरी सुरु गरिएको वैतेश्वर गाउँपालिकाकाका अध्यक्ष छवि लामाले बताए । विद्यालय नियमित सञ्चालन भए नभएको, शिक्षक आए नआएको जस्ता गुनासा सुन्न नपरोस् र गुणस्तरीय शिक्षामा सकारात्मक प्रभावका लागि विद्युतीय हाजिरी सुरु गरिएको अध्यक्ष लामाको भनाइ छ । गाउँपालिकाले माध्यमिक तहका ८ र आधारभूत तहका ४ वटा विद्यालयमा ई–हाजिर जडान गरेको हो । विद्युत्, कम्प्युटर, इन्टरनेट र अन्य आवश्यक सामग्री गाउँपालिकाले व्यवस्थापन गरेसँगै विद्युतीय हाजिरी सुरु गरिएको पालिकाका सूचना प्रविधि शाखा प्रमुख मनिक दाहालले जानकारी दिए ।
विद्युतीय हाजिरी जडानसँगै शिक्षकले बिहान १० बजे र साँझ ४ बजे अनिवार्यरूपमा हाजिरी गर्नुपर्ने हुन्छ । शिक्षा विकासको विषयलाई प्रमुखताका साथ जोड दिएको गाउँपालिकाले जगदेखि नै सुरु गर्ने गरी कार्य थालनी गरेको गाउँपालिकाले जनाएको छ । विद्युतीय हाजिरी जडानपछि शिक्षक नियमित हुने र निगरानी गर्न पनि सजिलो हुने कालीदेवी आधारभूत विद्यालय व्यस्थापन समितिका अध्यक्ष कमल अधिकारीले बताए । गाउँपालिकाले शिक्षा क्षेत्रको गुणात्मक सुधारका लागि अरू नयाँ अभ्यासको थालनी गरिरहेको छ । गाउँपालिकास्तरबाटै छड्के अनुगमन तथा विद्यालयमा सञ्चालन हुने परीक्षाको अनुगमन गर्नेलगायतका कार्य पनि गर्ने गरिएको उपाध्यक्ष कल्पना उप्रेतीले बताइन् ।
पछिल्लो समय विद्यालय आएका विद्यार्थी पनि बीचमै घर जाने, अधिकांश नियमित विद्यालय नआउने र शिक्षकले पनि प्रभावकारी शिक्षण सिकाइमा ध्यान नदिने जन गुनासो बढेपछि ई–हाजिरीको व्यवस्थापन गरिएको उप्रेतीले जानकारी दिइन् । गाउँपालिकाले वडा कार्यालय तथा स्वास्थ्य चौकी तथा अन्य सरकारी कार्यालयहरूमा पनि ई–हाजिरी लागू गरेको छ ।
क्याटेगोरी : प्रविधि / शिक्षा, गाउँ पालिका
ट्याग : #Page 8
ताजा अपडेट
- चालु १६औँ अधिवेशनमा राष्ट्रियसभाबाट १२ वटा विधेयक पारित
- सरकारको ध्यान राजनीतिक स्थिरतासँगै नीतिगत स्थिरतामा केन्द्रित छः उपप्रधानमन्त्री पौडेल
- विदेशी लगानी प्रवर्द्धन र व्यापार विस्तारमा ध्यान दिन जरुरी छ: मन्त्री भण्डारी
- असोज २ गते मुख्यमन्त्री कार्कीले विश्वासको मत लिने
- भारतलाई चिढ्याउने बाङ्ग्लादेशको ‘मेगाफोन कूटनीति’ के हो?
- अन्तत: २५ सय बिन्दुमा खुम्चियो शेयर बजार
- पाँचथरमा मृतक दुई बालबालिकाका परिवारलाई पाँच-पाँच लाख दिइने
- विश्व बैंकका उच्च अधिकारी र उपप्रधानमन्त्री सिंहबीच भेटवार्ता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया