कोशी प्रदेशका निवर्तमान आन्तरिक मामिला तथा कानुनमन्त्री अधिकारी पक्राउ
विराटनगर । कोशी प्रदेशका निवर्तमान आन्तरिक मामिला तथा कानुनमन्त्री लीलाबल्लभ अधिकारीलाई प्रहरीले पक्राउ गरेको छ । मानव तस्करीमा संलग्न रहेको पाइएपछि उनलाई पक्राउ गरिएको हो । उनलाई पौने २ बजे यति एयरमार्फत काठमाडौं ल्याउने तयारी भैरहेको बुझिएको छ । मुख्यमन्त्रीलाई नै जानकारी नदिई जापान पुगेका अधिकारीलाई जापानको अध्यागमनले असम्बन्धित मान्छे लिएर गएको पाएपछि फर्काइदिएको थियो ।
उनीसँगै जापानको टोकियो विमानस्थलबाट चार जना डिपोर्ट भएर फर्किएपछि गम्भीर विवादमा परेका अधिकारीले गत बुधबार मन्त्री पदबाट राजीनामा दिएका थिए । एमालेका नेता समेत रहेका अधिकारीले एमालेका नेता कार्यकर्तालाई मन्त्रालयको नक्कली कर्मचारी बनाएर जापान लगेका थिए । अधिकारीको साथमा खोटाङको ऐसेलुखर्क गाउँपालिका–२ का ३६ वर्षीय दावा शेर्पा, खोटाङकै कोपिलासगढी गाउँपालिका–४ का ४१ वर्षीय जनक राई र रसुवाको कालिका गाउँपालिका–५ का २२ वर्षीय कञ्चन देवकोटा जापान पुगेको थिए ।
उनीहरूलाई ‘इन्टरनेसनल कन्फ्रेन्स अन ओपन एक्सेस टु कल्चर इन जापान’ कार्यक्रममा सहभागी गराउन एमालेकै नेता मोरङको रतुवामाई नगरपालिकाका गोपाल गौतमले व्यवस्था मिलाएका थिए । उनीसँगै फर्किएका अन्य तीन जनालाई भने प्रहरीले पक्राउ गरी अनुसन्धान थालेको छ भने अधिकारीलाई पनि पक्राउ आज पक्राउ गरेको छ । घटनाको अनुसन्धान गरिरहेको प्रहरीले अधिकारीसँगै फर्किएकाहरूको बयानका आधारमा दोलखा जिरी नगरपालिका–९ का बीरबहादुर सुनुवार, नुवाकोट बिदुर नगरपालिका–७ का २२ वर्षीय जुगल रिजाल र धादिङको त्रिपुरासुन्दरी गाउँपालिका–६ का ३४ वर्षीय महेशविक्रम पाण्डे पक्राउ गरेको छ ।
कोशी प्रदेशका मुख्यमन्त्री हिक्मतकुमार कार्कीले प्रदेशका निवर्तमान आन्तरिक मामिला तथा कानुन मन्त्री लिलाबल्लभ अधिकारीले गरेको जापान भ्रमण कानुनविपरीत भएको बताएका छन् । उनले मन्त्री पदबाट राजीनामा दिइसकेकाले कारबाही प्रक्रिया अगाडि बढाउन सहज भएको उनले जानकारी दिए । मुुख्यमन्त्री कार्कीले पूर्वमन्त्री अधिकारीसँग जापानबाट फर्केर आएपछि संवाद गरेको र उनले गल्ती स्वीकार गरेको उनले बताए । शनिबार नेकपा(एमाले)ले पूर्वमन्त्री अधिकारीलाई पार्टीबाट निलम्बित गरिसकेको छ ।
मुख्यमन्त्री कार्कीले पूर्वमन्त्री अधिकारीले विदेश भ्रमणको निम्ता आएपछि सरकारमा विधिसम्मत प्रस्ताव लगि केन्द्रमा पठाउनुपर्नेमा नगरी सरकारको नै अपमान गरेको बताएका थिए । मुख्यमन्त्री कार्कीले प्रहरीको अनुसन्धान अनुसार नेपालको कानुनले जे देख्छ, त्यसअनुसार कारबाहीको भागिदार निवर्तमान आन्तरिक मामिलामन्त्री हुने उल्लेख गरे । मुख्यमन्त्री कार्कीले प्रदेश सरकारको आचारसंहिता पनि आफ्नै पार्टीको मन्त्रीबाट उल्लङ्घन भएकोमा चिन्ता जनाएका थिए ।
क्याटेगोरी : सुरक्षा अपराध, सुलसुले
ताजा अपडेट
- सुनको मूल्य बढ्यो
- फोनबाट रकम माग गर्ने डाक्टर पक्राउ
- बाढीबाट भएको क्षतिको विवरण सङ्कलन गर्दै कृषि मन्त्रालय
- राष्ट्रपतिद्वारा ढुङ्गानाका परिवारप्रति समवेदना व्यक्त
- अल–इलेक्ट्रिक प्रिमियम ईभी जिकर एक्स
- रियलमीले चाडपर्व अफरको विजेता घोषणा गर्दै
- टेलिकम एनपीएलमा सुदूरपश्चिम रोयल्स टिमको पार्टनर
- झम्सिखेलमा अपि इन्फ्राको १० तले अपार्टमेन्ट निर्माण सुरु
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया