थप ३ जना चिनियाँ नागरिक तस्करी सुन प्रकरणमा पक्राउ

काठमाडौ । तस्करी सुन प्रकरणमा थप ३ जना चिनियाँ नागरिक झाओ हुई, जोङ छ्याङ र ताङ जिङ पक्राउ परेको स्रोतले जानकारी दिएको छ । प्रहरीको केन्द्रीय अनुसन्धान ब्‍यूरो सीआईबीले चीन जान लागेका उनीहरूलाई पक्राउ गरेको हो । योसँगै सुन तस्करी प्रकरणमा पक्राउ पर्नेको संख्या २३ पुगेको छ ।

साउन तीनमा सिनामंगलबाट सुन सहितको १५५ किलो ‘ब्रेक शु’ राजस्व अनुसन्धान विभागले बरामद गरेको थियो । मोटरसाइकल र स्कुटरको ब्रेक शुभित्र लुकाएर सुन ल्याएको पाइएको थियो । १९ दिनसम्म सुन प्रकरणको अनुसन्धान गरेर राजस्व अनुसन्धान विभागले थप छानबिनको जिम्मा सीआईबीलाई लगाएको थियो ।