स्रोत नखुलेको नेपाली र भारतीय रूपैयाँसहित एक व्यक्ति पक्राउ

कास्की । स्रोत नखुलेको नेपाली र भारतीय रुपैयाँसहित एक व्यक्ति पक्राउ परेका छन् । पोखरा महानगरपालिका लामाचौर हवल्दार चौताराबाट स्रोत नखुलेको नगद ९ लाख ९५ हजार नेपाली रुपैयाँ र ४७ हजार ५ सय भारतीय रूपैयाँसहित ३२ वर्षीय धन बहादुर पुर्जा मगर पक्राउ परेका हुन् ।

पाखेरास्थित गैराबारी बस्ने पर्वत जलजला गाउँपालिका सालिजा घर भएका पुर्जा मगरलाई बिहीबार बिहान सीआरभी लामाचौरबाट खटिएको प्रहरीले पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको जनाएको छ ।