आफ्नै बुवाको हत्या अभियोगमा पक्राउ

झापा । आफ्नै बुवाको हत्या गरेको अभियोगमा कमल गाउँपालिका बस्ने २३ वर्षीय आशिष तामाङ पक्राउ परेका छन् । बुवालाई दाउ र कराई प्रहार गरी हत्या गरेका उनलाई सोमबार बिहान प्रहरीले पक्राउ गरेको हो ।

कराई र दाउले प्रहार गर्दा उनका बुवा ४५ वर्षीय भोला कुमार तामाङको मृत्यु भएको भन्ने खबर सुन्नासाथ प्रहरी चौकी केर्खा र प्रहरी चौकी तोपगाछीबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले आवश्यक अनसुन्धान गरिरहेको जनाएको छ ।