आफ्नै बुवाको हत्या अभियोगमा ३५ वर्षीय छोरा पक्राउ

नवलपरासी पूर्व । आफ्नै बुवा ६० वर्षीय होम बहादुर दराईको हत्या गरेको अभियोगमा छोरा पक्राउ परेका छन् । प्रहरीका अनुसार बुवाको हत्यामा संलग्न नवलपरासी पूर्वको मध्यविन्दु नगरपालिका–१० टाँडी बस्ने ३५ वर्षीय रुपेश दराईलाई शनिबार साँझ प्रहरीले पक्राउ गरेको हो ।

रूपेशले कुचोको डाँठले हिर्काउँदा गम्भीर घाईते भएका होम बहादुरको मध्यबिन्दु जिल्ला अस्पताल डण्डामा उपचारको क्रममा मृत्यु भएको हो । उक्त खबर प्राप्त हुनासाथ प्रहरी चौकी अरूणखालाबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको जनाएको छ ।