श्रीमतीको हत्या अभियोगमा पक्राउ

बागलुङ । आफ्नै श्रीमती ५० वर्षीया सितली शाहीको हत्या गरेको अभियोगमा बागलुङ नगरपालिका–१३ सल्यान बस्ने हरि सिंह नेपालीलाई प्रहरीले पक्राउ गरेको छ । हरिले घरायसी विवादको क्रममा कुटपिट गर्दा गम्भीर घाइते सिलतीको उपचारको क्रममा मृत्यु भएको हो ।

सिलती गम्भीर घाइते भएकी भन्ने खबर प्राप्त हुनासाथ ईलाका प्रहरी कार्यालय बलेवाबाट खटिएको प्रहरीले उनलाई उपचारको लागि धौलागिरी अस्पताल बागलुङ पठाएकोमा मृत्यु भएको हो । यस सम्बन्धमा प्रहरीले थप अनुसन्धान गरिरहेको जनाएको छ ।