अवैध हिरासहित भारतीय युवा पक्राउ

काठमाडौं । अवैध हिरासहित भारत पश्चिम बंगाल घर भएका ४४ वर्षीय संजय मैती पक्राउ परेका छन् । दक्षिणकाली नगरपालिका–५ फर्पिङबाट करिब तीन लाख २७ हजार तीन सय ३९ रूपैयाँ बराबरको अवैध हिरासहित काठमाडौं सुन्धारा बस्ने मैतीलाई गएराति प्रहरीले पक्राउ गरेको हो ।

वीरगंजबाट काठमाडौंतर्फ आउँदै गरेको ना.१ ज ५४७७ नम्बरको सुमोलाई फर्पिङ चेकपोष्टमा खटिएको प्रहरीले जाँच गर्ने क्रममा सुमोमा सवार उनलाई बिल नभएको भन्सार छली ल्याएको हिरासहित पक्राउ गरेको हो । प्रहरीका अनुसार उनले बोकेको हिराजस्तो देखिने धातुसहित फेला पारेको र उक्त धातु सुनचाँदी व्यवसायी संघबाट परीक्षण गर्दा हिरा भएको पुष्टी भएको हो । यस सम्बन्धमा प्रहरीले आवश्यक अनुसन्धान गरिरहेको जनाइएको छ ।