सुनका गरगहनासहित भारतीय नागरिक पक्राउ

काठमाडौं । अवैध रूपमा लुकाई छिपाई भन्सार छलि लैजान लागेको सुनका गरगहनासहित एक भारतीय नागरिक पक्राउ परेका छन् । प्रहरीका अनुसार सुन जस्तो देखिने धातुसहित अर्थात् एक सय ७० ग्राम तौल भएको सुन जस्तो देखिने गरगहनासहित भारतका ५० वर्षीय जितेन्द्र मुलचन्द बाबालाई बुधबार बिहान प्रहरीले पक्राउ गरेको हो ।

प्रहरीका अनुसार एयर अरेवियाको उडानद्वारा सारजाहबाट काठमाडौं आएका उनको साथबाट टाँक तीन थान, सिक्री एक थान र पत्थर जडित औठी एक थानमा रहेको उक्त धातुसहित बरामद भएको छ । प्रहरीले उनलाई आवश्यक अनुसन्धान एवं कारबाहीको लागि त्रिभुवन विमानस्थल भन्सार कार्यालय गौचरमा बुझाइएको बताएको छ ।