महिलालाई दुर्व्यवहार गरी फरार रहेका प्रतिवादी पक्राउ

काठमाडौं । महिलालाई दुर्व्यवहार गरी फरार रहेका गुल्मी सत्यवति गाउँपालिका–७ घर भएका ४४ वर्षीय डिल बहादुर गलामीलाई सोमबार प्रहरीले पक्राउ गरेको छ । प्रहरीले म्यासेजिङ एपमा भएका कुराकानीलाई स्क्रिन रेकर्ड गरी सामाजिक सञ्जालमा अश्लिल सन्देशसहित पोष्ट गरी चरित्र हत्या गरेको अभियोग लागेका गलामीलाई बाँकेबाट पक्राउ गरेको हो ।

पीडित महिलाको उजुरीको आधारमा थप अनुसन्धान गर्ने क्रममा गलामी संलग्न रहेको खुल्न आएपछि उनलाई साइबर व्यूरोबाट खटिएको प्रहरीले जिल्ला प्रहरी कार्यालय बाँकेको सहयोगमा पक्राउ गरेको हो । प्रहरीका अनुसार उनलाई जिल्ला अदालत काठमाडौंमा पेश गरिएको छ ।

क्याटेगोरी : सुरक्षा अपराध