पाँच थान नक्कली नोटसहित एक महिला पक्राउ

काठमाडौं । बालाजु माछापोखरी चोकबाट एक हजार दरको पाँच थान नक्कली नोटसहित एक महिला पक्राउ परेकी छन् । तारकेश्वर नगरपालिका लोलाङ्ग बस्ने काभ्रे नवबुद्ध नगरपालिका घर भएकी २५ वर्षीया मनिषा न्यौपानेलाई बुधबार प्रहरीले पक्राउ गरेको हो ।

उक्त चोकस्थित मेडिकलमा औषधी खरिद गर्ने क्रममा नक्कली नोटको कारोबार भइरहेको भन्ने सूचनाको आधारमा प्रहरी वृत्त बालजुबाट खटिएको प्रहरीले उनलाई उक्त नोटसहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको जनाएको छ ।