सामाजिक सञ्जालमार्फत महिलाको चरित्रहत्या गर्ने व्यक्ति पक्राउ

काठमाडौं । सामाजिक सञ्जालमार्फत महिलाको चरित्र हत्या गरेको अभियोगमा संखुवासभा घर भएका ३२ वर्षीय केशरमान राईलाई मंगलबार प्रहरीले पक्राउ गरेको छ । सामाजिक सञ्जाल फेसबुक र युट्युबमा नाम, ठेगाना र तस्विर सार्वजनिक गरी दु:ख हैरानी तथा मानसिक आघात पुर्याएको भन्ने पीडितको उजुरीको आधारमा उनी पक्राउ परेका हुन् ।

साइबर ब्यूरोबाट खटिएको प्रहरी टोलीले अनुसन्धान गर्ने क्रममा उक्त कार्यमा संलग्न भएको पाएपछि राईलाई संखुवासभाबाट पक्राउ गरेको हो । उनीउपर जिल्ला अदालत काठमाडौंबाट सात दिन म्याद थप गरी आवश्यक अनुसन्धान भइरहेको जनाइएको छ ।