बाँकेका सहायक वन अधिकृत पार्दे घुससहित पक्राउ

काठमाडौं । बाँके जिल्लाका सव–डिभिजन वन कार्यालय, राँझामा कार्यरत सहायक वन अधिकृत नारायण पार्दे घुससहित पक्राउ परेका छन् । काठ चिरानको लागि सिफारिस गरिदिने भन्दै सेवाग्राहीसँग घुस मागेको भन्ने सूचना एवं उजुरीका आधारमा अख्तियार दुरुपयोग अनुसन्धान आयोगको कार्यालय बुटवल, नेपालगञ्जबाट खटिएको टोलीले बिहीबार पार्देलाई पक्राउ गरेको हो ।

पार्दे सेवाग्राहीबाट सात हजार रुपैयाँ घुस लिइसकेको अवस्थामा पक्राउ परेका हुन् । उनलाई उक्त रकमसहित श्रोत नखुलेको ४५ हजार नौ सय ७५ रुपैयाँसमेत गरी जम्मा ५२ नौ सय ७५ रुपैयाँसहित नेपालगञ्ज उपमहानगरपालिकाबाट नियन्त्रणमा लिइएको हो । यससम्बन्धमा थप अनुसन्धान भइरहेको प्रहरीले बताएको छ ।