चिनियाँसँग बिहे गराइदिने बहानामा मानव तस्करी
काठमाडौं । चिनियाँ नागरिकसँग बिहे गराईदिने बहनामा नेपालबाट चीनमा मानव तस्करी हुने गरेको पाईएको छ । नेपाल प्रहरीले चिनियाँ नागरिकसँग बिहे गराइदिने प्रलोभनमा पारेर चीन लगेर एक महिलालाई बेच्ने महिलालाई पक्राउ गरेको छ ।
प्रहरीको मानव बेचविखन अनुसन्धान ब्युरोले चीनमा महिला बिक्री गरेको आरोपमा उदयपुर त्रियुगा नगरपालिका–१ जोगीदहकी ३१ वर्षीया सुन्दरी राईलाई पक्राउ गरी सार्वजनिक गरेको हो । ब्युरोका सूचना अधिकारी प्रहरी उपरीक्षक गौतम मिश्रले गत फागुनमा पीडित महिलालाई चिनियाँ नागरिकले बिहे गरेर भिजिट भिसामा चीन लगेर बन्धक बनाएको खुल्न आएको जानकारी दिए । पक्राउ परेकी राईले फेसबुक म्यासेन्जरबाट पीडित महिलालाई कुराकानी गरी चिनियाँसँग भेट्न ठमेल बोलाएर बिहे गर्न लगाएको अनुसन्धानका क्रममा पत्ता लागेको उनले बताए । राईले पीडित महिलालाई आफूले पनि चिनियाँ नागरिकसँग बिहे गरेको १० वर्ष भएको बताएकी थिइन् । ‘चीनमा धेरै राम्रो हुन्छ, तिमी पनि विवाह गरेर चीनमा आऊ, विवाह गर्ने केटासँग मेरो चिनजान रहेको छ, केटा धनी र राम्रो छ’ भनी प्रलोभन देखाई पीडितलाई काठमाडौंको ठमेलमा चिनियाँ केटासँग भेटाएको पाइएको प्रहरीले जनाएको छ । पीडित महिलालाई चिनियाँ नागरिकले राईसँग एक लाख ५० हजार रुपैयाँमा खरिद गरेको पाइएको प्रहरीले बताएको छ ।
प्रहरीका अनुसार चिनियाँले पीडित महिलालाई घरमै बन्धक बनाएर शारीरिक तथा मानिस यातना दिई यौनशोषण गर्ने गरेका थिए । पीडित महिलालाई चीनस्थित नेपाली राजदूतावासले यही असार ९ गते उद्धार गरी नेपाल ल्याइएको थियो ।
क्याटेगोरी : सुरक्षा अपराध
ट्याग : #Page 8
ताजा अपडेट
- प्रधानमन्त्री दाहाल र अध्यक्ष ओलीबीच छलफल
- आज दिउँसो ३ बजे कांग्रेस पदाधिकारी बैठक बस्ने
- नेपाल सुनचाँदी व्यवसायी महासंघको अध्यक्षमा रसाइली
- नेपालमै पहिलोपटक रोबोटबाट सर्जरी
- टेलिकमद्वारा सैपाल हिमालको काखमा भी–स्याट प्रविधिबाट सेवा सञ्चालन
- प्रभु बैंकको भिजा बिजनेस डेबिट कार्ड सञ्चालनमा
- कामना सेवा विकास बैंकका ग्राहकलाई सिद्धबाबा चस्मा पसलमा छुट
- सडक दुर्घटना न्यूनीकरणका लागि नेपाल बैंकको सहयोग
धेरैले पढेको
- हवाई माफियाद्वारा सिर्जित वाइडबडी विवाद २३० टन कि २४२ टन ?
- विद्युतीय गाडीको अर्बौँ भन्सार छली रोक्न सरकारले किन किन्दैन पाँच करोडको मेसिन ?
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- राजेन्द्र विमल र हरिहर शर्मालाई पुरस्कृत गरिने
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया