उपत्यका अपराध अनुसन्धानद्वारा बल्छी ध्रुबे सहित ८ जना पक्राउ

काठमाडौं । काठमाडौं उपत्यका अपराध अनुसन्धान कार्यालयले प्रतिबन्धित अनलाइन बेटिङ एप ‘वान एक्स बेट’मा सट्टेबाजी गर्ने र त्यसको विज्ञापन गरेको आरोपमा ८ जनालाई पक्राउ गरेको छ ।

प्रहरी स्रोतका अनुसार बल्छी ध्रुबे नामले चर्चित कलाकार मरिचमान श्रेष्ठ समेत वानएक्स बेटमा सट्टेबाजी खेलाउने र यसको विज्ञापन गरेको आरोपमा पक्राउ परेका छन् । तत्कालका लागि प्रहरीले उनीहरूको नाम गोप्य राखेको बताएको छ। उनीहरूलाई म्याद थप गरी सार्वजनिक गर्ने तयारी प्रहरीले गरिरहेको छ।

कार्यालयले यसरी युट्युबर र कलाकारले विज्ञापन गरेर बेटिङमा युवापुस्तालाई आकर्षण गर्ने गरेको भन्दै अपरेसन चलाएको हो । बुधबारमात्रै अपरेसन चलाएर बेटिङका पाँच जना एजेन्टलाई पक्राउ गरी सार्वजनिक गरेको थियो । ७४ करोडको कारोबार पाँच जनाले मात्रै गर्ने गरेको प्रहरीको अनुसन्धानबाट खुलेको छ ।