काठमाडौं । नेपाल मेडिकल कलेज शिक्षण अस्पतालको अध्यक्षमा प्राडा जैनुद्दिन अन्सारी निर्वाचित भएका छन् । शुक्रबार कलेजको २४औँ वार्षिक साधारणसभाले उनलाई अध्यक्षमा निर्वाचित गरेको हो ।
लामो समयदेखि कलेजका अध्यक्ष रहेका डा भोला रिजालले प्राडा अन्सारीलाई अध्यक्षको पदभार हस्तान्तरण गरेका थिए । उनी कलेजको प्रबन्ध निर्देशक रहेर काम गर्दै आएका थिए । सभाले उनलाई अध्यक्ष पदमा सर्वसम्मत निर्वाचित गरेको हो । यस्तै, साधारणसभाले डा आनन्द प्रसाद श्रेष्ठ, डा साविहा यासमिन, शाहनवाज अन्सारीलाई सञ्चालक समिति सदस्यमा निर्विरोध निर्वाचित गरेको छ ।
नवनिर्वाचित अध्यक्ष प्राडा अन्सारीले नेपाल मेडिकल कलेजलाई नयाँ उचाइ र सफलतामा लैजाने बताए । यस्तै, उनले आगामी दिनमा कार्डियोलोजी सेवा विस्तार गर्ने, सिटी, एमआरआईलगायत अत्याधुनिक स्वास्थ्य उपकरण भित्र्याउने र नयाँ सेवाहरू विस्तार गर्ने बताए । साधारणसभाले आर्थिक वर्ष २०७९/८० को बजेट तथा अध्यक्षको प्रतिवेदन पास गरेको छ । कलेजमा मेडिकल शिक्षाका एमबीबीएस, बीडीएस, एमडी/एमएस, एमडीएस, बिएस्सी नर्सिङ, एमएस्सी नर्सिङ विषयमा अध्ययन अध्यापन हुने गरेको छ । स्वास्थ्य सेवातर्फ कलेजले नवीनतम स्वास्थ्य उपकरणसहित विशिष्टीकृत स्वास्थ्य सेवाहरू सञ्चालन गर्ने जनाएको छ ।
क्याटेगोरी : स्वास्थ्य / जिवनशैली
ट्याग : #page 3
ताजा अपडेट
- दहचोकस्थित इन्द्रदहमा स्नान तथा मेला भर्न भक्तजनको घुइँचो
- जोमसोमको ऐतिहासिक काठेपुल सौन्दर्यकरण गरिँदै
- २५ सय ७६ बिन्दुमा खुम्चियो शेयर बजार
- ‘संविधानलाई प्रभावकारी बनाउन आपसी सहकार्य र समन्वय आवश्यक छ’
- बुद्ध एयरले भारतको वाराणसीमा उडान थप्यो
- ट्याक्टर सेती नदीमा खस्दा दुई जना बेपत्ता
- शिक्षा क्षेत्रको पछ्यौटेपन हटाउन सरकार लागिपरेको छ: प्रधानमन्त्री
- दिल्लीका मुख्यमन्त्री केजरीवालद्वारा पदबाट राजीनामा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया