दोलखामा ५० प्रतिशतले बढे क्यान्सरका बिरामी
सुबास बस्नेत २०८१, कात्तिक ७ ११:२५ 
दोलखा । उपयुक्त खानपिन, जीवनशैली, वंशाणुगतलगायतका कारण दोलखा क्यान्सर पीडितहरू बढिरहेका छन् । जिल्लाभरको तथ्याङ्क हेर्दा क्यान्सर रोगबाट पीडित हुनेहरूको संख्या गत वर्षको तुलनामा ५० प्रतिशतभन्दा बढीले वृद्धि भएको पाइएको छ ।
जिल्लामा गत वर्ष करिब दुई सय क्यान्सर पीडित रहेकोे यस वर्ष उक्त संख्या बढेर तीन सय नाघेको छ । दुई नगरपालिकासहित सात गाउँपालिका रहेकोे दोलखा क्यान्सर रोग लाग्नेको संख्या तीन सय १२ जना पुगेको हो । यस्तै, जिल्लाभर क्यान्सर, मृगौला डायलासिस, मृगौला प्रत्यारोपण र मेरूदण्डको पक्षघात भएका बिरामीको संख्या पाँच सय ३० रहेको छ । दोलखामा सबैभन्दा बढी क्यान्सरका बिरामी भीमेश्वर नगरपालिकामा ५५ जना रहेका छन् । यस्तै, भीमेश्वरमा अन्य रोग मृगौला डायलासिस गर्ने, मृगौला प्रत्यारोपण गरेका र मेरूदण्डको पक्षघात भएका बिरामीको संख्या ६४ रहेको छ । त्यसैगरी जिरी नगरपालिकामा क्यान्सर पीडित बिरामीको संख्या २१ रहेको छ । जिरीमा अन्य रोगहरू मृगौलापीडित र मेरूदण्डको पक्षघात बिरामीको संख्या भने १४ रहेकोे छ ।
शैलुङ गाउँपालिकामा पनि क्यान्सर रोगबाट पीडित बन्नेहरूको संख्या उच्च रहेको छ । शैलुङमा क्यान्सरको कारण एक वर्षमा १२ जनाको मृत्यु भएको शैलुङ गाउँपालिका जनस्वास्थ्य शाखा प्रमुख विष्णुबहादुर कार्कीले जानकारी दिए । यहाँ हाल ४७ जना क्यान्सरपीडित उपचाररत रहेकोे स्वास्थ्य प्रमुख कार्कीले बताए । शैलुङ मृगौलापीडित र मेरूदण्डको पक्षघातका बिरामीको संख्या १९ जना रहेको छ । त्यसैगरी मेलुङ गाउँपालिकामा क्यान्सर रोगका बिरामीको संख्या ३५ जना रहेकोे छ भने यहाँ मृगौला रोगी र मेरूदण्डको पक्षघात रोगका बिरामीको संख्या २३ जना रहेको छ ।
त्यसैगरी तामाकोशी गाउँपालिकामा क्यान्सर पीडितको संख्या ३८ रहेको छ । सोमध्ये क्यान्सरको कारण तीन जनाको मृत्यु भएको गाउँपालिकाले जनाएको छ । तामाकोशी हाल ३५ जना क्यान्सरका बिरामी उपचाररत छन् । कालिञ्चोक गाउँपालिकामा भने २६ जना क्यान्सरका बिरामी रहेका छन् । यस पालिकामा अन्य रोग मृगौला, मेरूदण्डको पक्षघातका बिरामीको संख्या १६ जना रहेकोे छ । त्यसैगरी जिल्लाको गौरीशंकर, विगु र वैतेश्वर गाउँपालिकामा पनि अघिल्लो वर्षको तुलनामा क्यान्सर लाग्नेहरू संख्या वृद्धि भएको भेटिएको छ । गौरीशंकरमा हालसम्म २४ जना र विगु गाउँपालिकामा २३ जना क्यान्सर पुष्टि भएको गाउँपालिकाको स्वास्थ्य शाखाहरूले जनाएका छ ।
यस्तै, वैतेश्वरमा क्यान्सर र मृगौला पीडित रोगका बिरामी संख्या २५ दशमलव दुई प्रतिशतले वृद्धि भएको छ । गाउँपालिकाको स्वास्थ्य शाखाले दिएको तथ्याङ्कअनुसार गत वर्ष ४२ जना क्यान्सर रोगी रहेकोमा हाल ६० जना पुगेको छ । वैतेश्वर गाउँपालिकाका स्वास्थ्य शाखा प्रमुख बमबहादुर तामाङले पालिकाको वडा नम्बर–८ बाहेक अन्य सात वटा वडा क्यान्सर र मृगौलाका बिरामी रहेकोे बताए । उनका अनुसार वडा नम्बर–६ मात्रै १८ जना क्यान्सर रोगी रहेका छन् । गत वर्ष यस वडामा १० जना क्यान्सर रोगी रहेकोमा यस वर्ष उक्त संख्या बढेर १८ पुगेको हो । त्यसैगरी वडा नम्बर–४ मा १३ जना र वडा नम्बर–७ मा १२ पुगेको गाउँपालिकाले जनाएको छ । त्यसैगरी वडा नम्बर–३ मा पनि बिरामीको संख्या ८ पुगेको छ । गत वर्ष यस वडा संक्रमित बिरामी तीन जना मात्रै रहेका थिए । त्यसैगरी वडा नम्बर–२ मा ४ र वडा नम्बर–१ मा दुई जना क्यान्सरको बिरामी छन् ।
उपयुक्त खानपिन नमिल्दा क्यान्सर रोग लाग्ने गर्छ । विश्वमा सबैभन्दा धेरै मुत्यु गराउने रोगमध्ये प्रमुख रोग क्यान्सर हो । सरकारले क्यान्सर, डायलासिस, किड्नी प्रत्यारोपण र मेरूदण्डको पक्षघात भएका बिरामीलाई मासिक औषधि उपचार खर्च पाँच हजार रुपैयाँ दिने निर्णयअनुसार पालिकाहरूले उक्त रोगका बिरामीको तथ्याङ्क संकलन गरिरहेको छ । क्यान्सर लाग्नेहरूमा पुरुषभन्दा महिलाहरू बढी रहेका छन् ।
क्याटेगोरी : स्वास्थ्य / जिवनशैली, बागमती प्रदेश
ट्याग : #Page 8
ताजा अपडेट
- छ वर्षमा पनि बनेन गजेन्द्रनारायण सिंह अस्पतालको भवन
- जनसभामा जथाभाबी फोहोर गरेको भन्दै महानगरले एमालेलाई तिरायो १ लाख जरिमाना
- देशका अधिकांश भागमा आज मौसम सफा रहने पूर्वानुमान
- यस्तो छ आजका लागि विदेशी मुद्राको विनिमयदर
- विशेष अदालतको फैसलामा चित्त नबुझेको भन्दै आयोगले गर्यो सर्वोच्चमा पुनरावेदन
- अपराध र ठगी गर्नेलाई सरकारले छाड्दैन : प्रधानमन्त्री
- सरकारलाई असफल हुने छुट छैन: मन्त्री अधिकारी
- विकास, समृद्धि र सुशासनको सङ्कल्प पूरा गर्ने बाटोमा अघि बढेका छौँ: प्रधानमन्त्री
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया