शेयर बजारको उकालो यात्रा कायम नैं

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

काठमाडौं, शेयर बजारको उकालो यात्राले साताको दोस्रो कारोबार दिन आज मंगलबार पनि निरन्तरता पाएको छ । अघिल्लो दिन चार अंकले उकालो लागेको नेप्से परिसुचक आज पनि चार दशमलव १२ अंकले उकालो लागेर २५ सय ९९ दशमलव ९३ बिन्दुमा चढेको छ ।

क बर्गका कम्पनीहरुको कारोबार मापन गर्नै सेन्सिटिभ इन्डेक्स पनि दुई दशमलव ३५ अंकले उकालो लागेर चार सय ७० दशमलव १७ बिन्दुमा चढेको छ । धितोपत्र बजारमा आज तीन सय ५१ वटा कम्पनीहरुको ४६ हजार छ सय ५९ पटकको कारोबारमा एक करोड ३५ लाख ५३ हजार ९७ कित्ता शेयर किनबेच भएका छन् । सोही किनबेचका आधारमा कुल कारोबार रकम चार अर्ब ७३ करोड ६९ लाख २६ हजार चार सय नौं रुपैंयाँ कायम भएको छ ।

धितोपत्र बजारमा आज १३ वटा उपसमुहहरुको शेयर कारोबार भएका छन् । जसमध्ये बाँणिज्य बैंक, बिकास बैक, जीवन बीमा, निर्जीवन बीमा र लगानी उपसमुहको सुचक बढेका छन् । यि बाहेक फाईनान्स, जलबिद्युत, होटल तथा पर्यटन, उत्पादनमुलक, लघुवित्त, सामुहिक लगानी कोष, अन्य र व्यापार उपसमुहको सुचक घटेका छन् ।