जनता आउने हैन, मन्त्री आफैं जनतालाई भेट्न जानुपर्छ: मन्त्री रावल

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

चितवन, भूमि व्यवस्था, सहकारी, सङ्घीय मामिला तथा सामान्य प्रशासनमन्त्री प्रतिभा रावलले भरतपुर विमानस्थलमा पत्रकारसँग कुरा गर्दै जनताका माझमा पुगेर उनीहरुको समस्या बुझ्न मन्त्री आफै जनतालाई भेट्न जानुपर्ने बताएकी छिन् ।

भूमिहीन नागरिक र सहकारी पीडितको समस्या समाधान सरकारको प्राथमिकतामा रहेको मन्त्री रावलको भनाइ छ । भूमिहीन र सहकारी पीडितको समस्याका विषयमा सरकारले गरेका कामबारे जनतालाई जानकारी गराउन उनी यहाँ आएकी बताइन् ।

समस्याग्रस्त सहकारीको बचत फिर्ता गर्ने काम सुरु भइसकेको जनाउँदै उनले त्यस कार्यलाई अझै तीव्रताका साथ अघि बढाइने बताइन् । मन्त्री रावलले भनिन्, “धेरै समयदेखि उहाँहरु पीडामा हुनुहुन्छ । छिटोभन्दा छिटो बचत फिर्ता गर्नुपर्ने देखिन्छ ।”

बचतकर्ताको रकम फिर्ता नगरेका सहकारीलाई ताकेता गर्नुपर्ने आवश्यकतामा जोड दिँदै उनले जनताका माझमा मन्त्री आफै पुगेर समस्या सुन्ने अभियानमा रहेको बताइन् ।