इन्टरलाई हराउँदै रियल म्याड्रिडको विजयी सुरुवात

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

काठमाडौं । युईएफए च्याम्पियन्स लिगको नयाँ सिजनमा रियल म्याड्रिडले विजयी सुरुवात गरेको छ । बुधबार बिहान सम्पन्न खेलमा रियलले इटालियन क्लब इन्टर मिलानलाई २–१ गोलले पराजित गरेको हो ।स्यान्टियागो बर्नाबेउमा भएको खेलमा रियलका लागि किलियन एम्बाप्पे र फेडेरिको भाल्भेर्देले गोल गरे । एम्बाप्पेले १४औँ मिनेटमा गोल गर्दै रियललाई अग्रता दिलाएका थिए । त्यसको नौ मिनेटपछि भाल्भेर्देले गोल गर्दै रियलको अग्रता दोब्बर बनाए ।

दोस्रो हाफमा इन्टरले आक्रामक खेल प्रस्तुत गर्दै ७७औँ मिनेटमा कार्लोस अगुस्टोमार्फत गोल फर्कायो । त्यसपछि इन्टरले बराबरीका लागि लगातार दबाब बनाए पनि रियलका गोलरक्षक थिबाउट कोर्टुवाले उत्कृष्ट प्रदर्शन गर्दै टोलीको अग्रता जोगाए । इन्टरले खेलमा बढी बल नियन्त्रणमा राखे पनि रियलले आफ्ना अवसर सदुपयोग गर्दै महत्वपूर्ण तीन अंक हात पार्‍यो । जितसँगै रियलले च्याम्पियन्स लिगको नयाँ अभियानमा सुखद सुरुवात गरेको छ ।