ओमानलाई ८७ रनले हराउँदै नेपाल फाइनलमा, बलरको घातक प्रदर्शन

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

काठमाडौं । एसीसी मेन्स प्रिमियर कप क्रिकेटको सेमिफाइनलमा नेपालले ओमानलाई ८७ रनले पराजित गर्दै फाइनलमा स्थान बनाएको छ।क्वालालम्पुरस्थित बायुमास ओभलमा टस हारेर पहिले ब्याटिङ गरेको नेपालले ४५.४ ओभरमा सबै विकेट गुमाउँदै १४७ रन बनाएको थियो। नेपालले ओमानसामु १४८ रनको लक्ष्य प्रस्तुत गरेको थियो।

सामान्य लक्ष्य भए पनि नेपाली बलरले उत्कृष्ट प्रदर्शन गरेपछि ओमानको ब्याटिङ धराशायी भयो। जवाफी ब्याटिङमा उत्रिएको ओमान २८.१ ओभरमा ६० रनमै अलआउट भयो। ओमानका ब्याटरले नेपाली बलिङ आक्रमणको सामना गर्न सकेनन्।

यससँगै नेपालले ओमानलाई ८७ रनले हराउँदै एसीसी प्रिमियर कपको फाइनलमा स्थान पक्का गरेको हो। सेमिफाइनलमा नेपालको जितमा बलरहरूको प्रदर्शन निर्णायक रह्यो।नेपालले समूह चरणमा उत्कृष्ट प्रदर्शन गर्दै सेमिफाइनलको यात्रा तय गरेको थियो। समूह चरणको अन्तिम खेलमा हङकङसँग १५ रनले पराजित भए पनि नेपाल समूह ‘ए’ को विजेता बनेर सेमिफाइनल पुगेको थियो।

अब नेपालले उपाधिका लागि अर्को सेमिफाइनलको विजेतासँग प्रतिस्पर्धा गर्नेछ। यसअघि भएको दोस्रो सेमिफाइनलमा यूएई र हङकङबीच प्रतिस्पर्धा भएको थियो। नेपालको यो जितसँगै नेपाली क्रिकेट समर्थकमाझ उपाधिको आशा थप बलियो बनेको छ।